У конкурсе прынялі ўдзел супертройкі ў складзе старэйшых важатых піянерскіх дружын, піянераў-лідараў і акцябрат з Валожынскага, Дзяржынскага, Мінскага, Пухавіцкага, Уздзенскага і Чэрвеньскага раёнаў.
Конкурс пачаўся з задання «Мазгавы штурм «Адгадаць за 60 секунд». Канкурсантам неабходна было адказаць на 3 пытання квiзу за 60 секунд.
У выступах конкурснага задання «Трыяда лідэраў «Разам мы сіла» раскрывалася ўзаемадзеянне, ўзаемасувязь у сістэме «важаты – піянер – акцябронак». Усе нумары былі маляўнічымі і музычнымі, адрозніваліся арыгінальным сцэнарам.
Далей удзельнікі прадставілі відэаролікі «Самапрэзентацыя «Наш шлях да поспеху», у якіх прадэманстравалі свае якасці, захапленні, дасягненні і светапогляд.
Пры падвядзенні вынікаў «СуперТройкi» улічвалася і конкурснае заданне завочнага тура: «Партфоліо для важатага і піянера-лідэра» і фотакалаж «Рукзачок акцябронка».
Няпростае рашэнне прымалі члены журы. Яркія супертройкі запальвалі ў гэты дзень глядзельную залу! Пераможцам конкурсу стала супертройка Пухавіцкага раёна. На 2 месцы - супертройка Дзяржынскага раёна. 3-е месца - у супертройкі Валожынскага раёна.
Наперадзе ў пераможцаў конкурсу фінал абласнога этапа. Жадаем ім удачы і шанцавання
ДУА «Сярэдняя школа №4 г. Мар'іна Горка»: старэйшая важатая Брывач Аксана Васільеўна, піянер-лідэр Яфіменка Ганна і акцябронак - Гапоненка Мацвей.