Падставай для пазачарговага пленума стала заява Людмілы Ленкавец аб вызваленні ад займаемай пасады. Людміла Васільеўна ўзначальвала галіновы прафсаюз паўтара гады. Сваім прафесійным падыходам да справы заваявала заслужаны аўтарытэт.
Добры ўзровень працы прафесійнага саюза ў сельскагаспадарчай галіне Пухавіцкага раёна пацвердзілі старшыня Мінскага абласнога камітэта прафсаюза работнікаў АПК Міхаіл Бадаеў і намеснік старшыні Мінскага абласнога камітэта прафсаюза работнікаў АПК Пётр Акунёў. Міхаіл Тарасавіч адзначыў, што сярод 22-х раёнаў вобласці Пухавіцкі райкам прафсаюза работнікаў АПК заняў 2-е месца па выніках працы за 2018 год. Такі высокі вынік дасягнуты ўпершыню. Людміла Ленкавец падкрэсліла, што гэта вынік зладжанай работы ўсёй каманды, кожнага старшыні першаснай прафсаюзнай арганізацыі.
За добрасумленную працу Людміла Васільеўна ўзнагароджана Ганаровай граматай Мінскага абласнога камітэта прафсаюза работнікаў АПК.
За сумесную працу Людміле Ленкавец падзякавалі старшыня раённага аб'яднання прафсаюзаў Людміла Гулякевіч і ўсе старшыні пярвічных прафсаюзных арганізацый АПК раёна.
Шмат добрых слоў у свой адрас пачула і галоўны бухгалтар райкама прафсаюза работнікаў АПК Тамара Барадака. Тамара Паўлаўна завяршае працоўны шлях у прафсаюзнай арганізацыі.
Большасцю галасоў новым старшынёй райкама прафсаюза работнікаў АПК абраная Ніна Каляда.
Кацярына ВЕРНIКОЎСКАЯ.