Для удзельніц былі вызначаны тры практыкаванні: прысяданні са штангай на плячах, пад'ём тулава са становішча лежачы за 1 хвіліну і практыкаванне планка (статычнае практыкаванне, калі неабходна трымаць цела выцягнутым у лінію ад верхавіны да пятак).
Пераможцай турніру стала Антаніна Чумакова, паказаўшы такі вынік, што нават не ўсе мужчыны са стажам заняткаў у трэнажорнай зале змогуць яго паўтарыць. Антаніна прысела са штангай у 32 кг 100 разоў, 50 разоў за хвіліну падняла тулава са становішча лежачы. І ў практыкаванні «планка» Антаніна змагла пратрымацца 5 хвілін 50 секунд. Пры гэтым потым сказала, што не на ўсе 100 адсоткаў спрацавала ва ўсіх практыкаваннях. Другое і трэцяе месца з добрымі паказчыкамі занялі Валерыя Лукашэвіч і Марына Нарко .
Усе былі ўзнагароджаны кубкамі, медалямі, граматамі.
Валерый БАБУК.
