Урачыстае мерапрыемства прайшло ў Цэнтры творчасці дзяцей і моладзі «Світанак». Старшыня раённага Савета дэпутатаў Аляксандр Прановіч і намеснік старшыні Пухавіцкага райвыканкама Наталля Чарнышова ўручылі пашпарты лепшым навучэнцам раёна. Сярод іх - пераможцы абласных і раённых алімпіяд, розных спартыўных спаборніцтваў.
У гэты ж дзень моладзежныя білеты ГА «БРСМ» атрымалі дванаццаць вучняў школ. З павучальным словам да моладзі звярнулася старшыня Савета ветэранаў Ганна Сабалеўская.
Яркім завяршэннем акцыі стаў святочны канцэрт. На сцэну выходзілі вучні ўстаноў адукацыі раёна. Затым удзельнікі акцыі адправіліся на экскурсію па знакавых мясцінах нашага раёна.
