Перадсвяточны дзень. Выдатны настрой! Мы прыйшлі трохі раней і паглядзелі канцэрт, падрыхтаваны навучэнцамі школы. Яны выбралі цікавую форму канцэрта - батл з песень 80 гадоў і сучасных. Прысутныя з розных пакаленняў актыўна апладзіравалі. Нашым хлопцам канцэрт вельмі спадабаўся. На заняткі ў майстэрні мы таксама вырашылі зрабіць сабе свята. Зрабілі сваімі рукамі прыгожы выраб - сувенір з тканіны «Бутаньерка». У працэсе працы хлопцы пазнаёміліся з тэхнікай бяспекі і аховай працы, правільнымi паводзінамі ў майстэрні. Пагаварылі аб свеце швейных вырабаў, магчымасці з «цудоўных» шматкоў зрабіць выдатнае ўпрыгожванне.
Скончылі мы занятак уручэннем прыгожых паштовак, якія дапамагала рабіць мой першы памочнік Слівец Дар'я. Мы разам спяклі пірог, павіншавалі ўсіх з Днём 8 сакавіка. Напрыканцы прымяралі ўпрыгожванне, зрабілі фота на памяць. Сыходзілі з занятку задаволеныя і шчаслівыя.
Мясцовая ініцыятыва Інклюзіўная «Скарбніца» рэалізуецца пры падтрымцы Агенцтва ЗША па міжнародным развіцці USAID.
