Асноўная ідэя ініцыятывы - стварэнне інклюзіўнай майстэрні «Скарбніца», дзе маладыя людзі з інваліднасцю, валанцёры (школьнікі), пажылыя людзі разам будуць вырабляць рэчы з другасных рэсурсаў (тканіны, трыкатажу і інш.) Маладыя людзі з інваліднасцю будуць навучаны швейнай справе, навучацца рамантаваць сваю вопратку, сфарміруюць швейныя навыкі, для пашырэння магчымасцяў працаўладкавання і самазанятасці. Гэта дазволіць ім атрымаць адчуванне ўласнай прадуктыўнасці. Важнай з'яўляецца частка з публічнымі дасугавымi мерапрыемствамi для ўсіх жадаючых: тут людзі з інваліднасцю і шырокая грамадскасць змогуць узаемадзейнічаць у нязмушанай абстаноўцы, вучачыся пры гэтым талерантнасці
Першае наша мерапрыемства – трэнінг «Я – валанцёр» прайшло 9 лютага на базе ДУА «Сярэдняя школа № 3».
Мэтай яго было развіццё лідэрскіх навыкаў моладзі, ўцягванне моладзі ў рашэнне праблем грамадства шляхам папулярызацыі валанцёрскага руху.
Удзельнікамі трэнінгу былі маладыя людзі з інваліднасцю, навучэнцы школы. У якасці трэнера выступала старшыня раённага валанцёрскага савета Хадыка Наталля Аляксандраўна. На трэнінгу выкарыстоўваліся розныя формы: ролевыя гульні, праца ў групах, абмеркаванне відэаматэрыялаў. Навучэнцы актыўна прымалі ўдзел ва ўсіх ралевых гульнях. Гульні дапамаглі ім зразумець, што быць валанцёрам значыць мець актыўную жыццёвую пазіцыю, умець пераадольваць ўласныя бар'еры, браць ініцыятыву ў свае рукі.
Удзельнікі трэнінгу да канца мерапрыемства змаглі даць вызначэнне, што такое валанцёрства, лідэрства, апісаць адрозненні паміж лідэрствам і кіраўніцтвам, раскрыць становішча асноўных тэорый, мэтаў, стыляў валанцёрства і лідэрства, назваць бар'еры на шляху да валанцёрства і лідэрства ў ім, метады іх пераадолення.
Хлопцы атрымалі новыя веды, у іх з'явілася цікавасць і жаданне ўдзельнічаць у праекце.
