Пасля таго як Вам вынеслі пастанову аб накладанні адміністрацыйнага спагнання ў выглядзе штрафу, Вам (фізічнай асобе) як правіла, даецца адзін месяц на яго добраахвотную выплату. У выпадку нявыплаты, дакументы паступаюць у органы прымусовага выканання па месцы жыхарства (рэгістрацыі). У судовага выканаўцы ёсць тры дні на ўзбуджэнне выканаўчай вытворчасці, прычым ён пісьмова Вас аб гэтым паведамляе, накіроўваючы пастанову аб узбуджэнні выканаўчай вытворчасці, часцей за ўсё заказным лістом з паведамленнем. Але закон прадугледжвае і больш прагрэсіўныя варыянты паведамлення.
Пасля таго як да судовага выканаўцы трапляюць дакументы аб нявыплаце вашага штрафу, ён пачынае дзейнічаць у рамках Закона «Аб выканаўчай вытворчасці №439-З» ад 24.10.2016 г. Гэта значыць, што згодна з арт. 60 перад судовым выканаўцам адкрываецца маса магчымасцяў зрабіць так, каб вы заплацілі штраф. На гэтай стадыі дзяржаве вы павінны цяпер яшчэ і 10% ад сумы штрафу - памер прымусовага збору. Напрыклад, штраф складаў 200 руб., але так як вы пратэрмінавалі выплату, з Вас павінны цяпер спагнаць 200 руб. штрафу плюс 20 руб – прымусовы збор. Разам: 220 руб.
У дачыненні да Вас і Вашай маёмасці судовым выканаўцам могуць быць прынятыя наступныя меры прымусовага выканання штрафаў:
- выклікаць Вас ці абвясціць у вышук. Часцяком даўжнік атрымлівае позву, у якой пазначана неабходнасць яўкі да судовага выканаўцы. Калі судовы выканаўца не зможа самастойна знайсці даўжніка, то яго могуць абвясціць у вышук.
- накласці арышт на вашы грошы. Судовы выканаўца можа спісаць грашовыя сродкі ў бясспрэчным парадку з рахунку даўжніка, калі такі маецца. Спагнанне запазычанасці па выканаўчаму дакументам можа быць звернута і на электронныя грошы даўжніка.
- арыштаваць (эвакуіраваць) Вашу машыну. Судовы выканаўца можа вынесці пастанову аб затрыманні, прымусовай адбуксіроўцы (эвакуацыі) і змяшчэннi на ахоўную стаянку арыштаванага транспартнага сродку даўжніка.
- утрымаць грошы з вашай зарплаты. Па месцы працы накіроўваецца выканаўчы дакумент і прадпісанне, у якім указана сума і штомесячны памер утрыманняў, які па штрафах не можа перавышаць 50%.
- Вам адключыць інтэрнэт ці мабільную сувязь. А таксама, судовы выканаўца мае права спісаць грашовыя сродкі, якія знаходзяцца на балансе, у кошт пагашэння запазычанасці.
- Вы можаце стаць невыязным. Даўжнік можа быць часова абмежаваны на выезд з Рэспублікі Беларусь згодна з вынесеным вызначэннем суда тэрмінам да 5 гадоў.
- Вас могуць часова абмежаваць у праве на кіраванне механічнымі транспартнымі сродкамі, маторнымі маламернымі судамі, магутнасць рухавіка якіх перавышае 3,7 кілавата (5 конскіх сіл), правы на паляванне згодна з вынесеным вызначэннем суда тэрмінам да 5 гадоў.
- арыштаваць Вашу маёмасць. Судовы выканаўца можа ў самы непадыходны час прыйсці па месцы вашага жыхарства і арыштаваць маёмасць, якая знаходзіцца ў кватэры, у межах сумы доўгу. Арыштаваная маёмасць будзе перададзеная на рэалізацыю, а сума, якая паступіла ад рэалізацыі маёмасці, пойдзе ў кошт выплаты вашага штрафу і прымусовага збору.
Напаследак хацелася б нагадаць яшчэ раз пра тое, што 31.01.2018 года ўступілі ў сілу змены ў КаАП і ПВКаАП Рэспублікі Беларусь: у выпадку, калі асоба выказвае жаданне весці адміністрацыйны працэс у спрошчаным парадку, г. зн. у парадку арт. 10.3 ПВКаАП Рэспублікі Беларусь, то, згодна з ч. 1 арт. 15.3 ПВКаАП Рэспублікі Беларусь штраф павінен быць выплачаны не пазней аднаго месяца з дня ўступлення ў законную сілу пастановы (штраф аплачваецца з дапамогай сістэмы «Разлік» АРІП). У выпадку нявыплаты штрафу ў тэрміны, устаноўленыя ч. 1 арт. 15.3 ПВКаАП Рэспублікі Беларусь, ужыты памер штрафу павялічваецца на дзве базавыя велічыні, і можа быць спагнаны прымусова.
Паважаныя грамадзяне! Не забывайце аб своечасовай выплаце штрафаў, каб не трапіць у «чорны спіс». Парушаць і не плаціць - сабе даражэй.
АДАІ Пухавіцкага РАУС.