Асаблівую ўвагу прыцягвалі да сябе пудзілы, якіх зрабілі арганізацыі гарадскога пасёлка. Самае прывабнае атрымалася ў рудзенскіх камунальнікаў. Парадавалі ўдзельнікаў свята сваімі канцэртнымі нумарамі народны калектыў “Крынічанька” і вакальная група “Мелодыя”. На месцы правядзення свята быў арганізаваны гандаль.
* * *
Масленіца ў Сітніках заўсёды праходзіць весела, таму і сёлета шмат жыхароў сабралося на свята. Цэнтр аграгарадка нагадваў кірмаш: бліны, шашлыкі, юшка, гарбата. Над гэтымі кулінарнымі шэдэўрамі шчыравалі цэлымі сем’ямі: Людміле Варонінай дапамагалі сыны Валянцін, Аляксандр, дачка Насця. Людміле Шкатула — сястра Наталля і дачка Паліна. — Пры падрыхтоўцы Масленіцы мяне падтрымала ўся моладзь аграгарадка Сітнікі, — адзначае арганізатар свята, дырэктар Ананіцкага сельскага клуба Людміла Вароніна. — Моладзь мы зрабілі галоўнымі героямі фальклорнага абраду “Гуканне вясны”. Важна, каб наступныя пакаленні таксама ведалі традыцыі продкаў. Свае кандытарскія вырабы гасцям свята прапаноўвалі вучні Ананіцкага ВПК дзіцячы сад-сярэдняя школа. Мясцовыя майстры Міхаіл Мігуцкі і Анатоль Есіповіч арганізавалі выставу-продаж венікаў і вырабаў з нержавеючай сталі. Дапаўняла гандаль прадукцыя раённага камбіната бытавога абслугоўвання. Нечаканым сюрпрызам для ўсіх стала з’яўленне на свяце работнікаў Пухавіцкага РАНС. Для дзяцей ратавальнікі падрыхтавалі паказальныя выступленні.
Наталля ВАСІЛЬЕВА. Кацярына ВЕРНІКОЎСКАЯ.
