Так, пажар у аддзяленні пошты ў в. Талька Пухавіцкага раёна паказаў, што неабходна пераканацца ў наяўнасці неабходных ведаў і навыкаў у супрацоўнікаў іншых аддзяленняў і захаванні ўсіх нормаў і патрабаванняў пажарнай бяспекі ў памяшканнях РУП «Белпошта».
З гэтай мэтай першы намеснік начальніка аддзела Пухавіцкага РАНС Ігар Барадзько правёў прафілактычную гутарку з прадстаўнікамі паштовых аддзяленняў раёна.
Выратавальнік распавёў статыстыку пажараў у Мінскай вобласці і Рэспубліцы ў цэлым з пачатку года. Акцэнтаваў, што асновай узгаранняў з'яўляецца неасцярожнае абыходжанне з агнём і грэбаванне правіламі пажарнай бяспекі. Так і здарылася ў в. Талька, дзе бестурботнасць пры эксплуатацыі пячнога ацяплення прывяла да надзвычайнай сітуацыі.
Ігар Уладзіміравіч нагадаў, што недапушчальна пакідаць печ без нагляду, выкарыстоўваць для падпалкі гаручыя вадкасці. Гэтак жа звярнуў увагу, што тапіць печ рэкамендуецца 2-3 разы на дзень не больш за 1,5 гадзіны, каб пазбегнуць перакала і што спыняць топку печы трэба за 2 гадзіны да таго моманту, як яна застанецца без нагляду, і нагадаў, што ў канцы ацяпляльнага сезона абавязкова прачысціць комін ад сажы, каб не адкладаліся прадукты гарэння, якія пры наступнай эксплуатацыі печы могуць прывесці да ўзнікнення пажару.
- Не заўсёды пажар пачынаецца адразу, часам людзі могуць проста выпусціць момант узгарання. За 2018 год у Мінскай вобласці 12 жыццяў удалося выратаваць дзякуючы своечасовай спрацоўцы аўтаномнага пажарнага апавяшчальніка – заўважыў выратавальнік, распавядаючы пра важнасць АПА.
Асобна былі разгледжаны пытанні бяспечнай эксплуатацыі электраабсталявання. У прыватнасці, першы намеснік начальніка распавёў пра выпадкі ўзгаранняў у домаўладаннях, прычынай якіх стала няспраўная электраправодка або некалібраваныя топкія ўстаўкі (скруткі, «жучкі»).
У завяршэнне мерапрыемства прысутныя прагледзелі тэматычныя відэафільмы «Пажарная бяспека ў адміністрацыйных памяшканнях» і «Бяспека ў кожны дом».
Пухавіцкі РАНС.