Але не ва ўсіх ёсць магчымасць трымаць у штаце спецыялістаў такога напрамку. Прасцей звярнуцца да тых, для каго аказанне паслуг бухгалтарскага ўліку і кансультаванне па пытаннях камерцыйнай дзейнасці з'яўляецца асноўным напрамкам працы. Як у ТДА "Дысконтгрупп".
Арганізацыя была створана ў 2007 годзе. Заснавальнікамі з'яўляюцца Ірына Карабліна і Марына Шапецька. З 2011 года ТДА "Дысконтгрупп" працуе як цэнтр падтрымкі прадпрымальніцтва.
- Сёння нашымі паслугамі на пастаяннай аснове карыстаецца 54 арганізацыі розных формаў уласнасці — распавяла дырэктар арганізацыі Ірына Карабліна. - Акрамя гэтага мы праводзім кансультацыі для індывідуальных прадпрымальнікаў па розных пытаннях, што тычацца камерцыйнай дзейнасці. За такімі паслугамі да нас звяртаецца каля 150 чалавек у год. Як цэнтр падтрымкі прадпрымальніцтва, арганізуем семінары "круглыя сталы" па пытаннях дзеючага заканадаўства ў сферы бізнесу. У штаце ў нас дзевяць спецыялістаў, у ліку якіх бухгалтары, эканаміст па фінансавай працы, спецыяліст па кадрах. Кожны з іх можа даць грунтоўную кансультацыю па сваёй сферы дзейнасці. І кожны адказна ставіцца да сваёй працы, гарантуе яе якасць.
Па выніках працы ТДА "Дысконтгрупп" занесена на раённую Дошку гонару як лепшая арганізацыя ў сферы прадпрымальніцтва.