Удзел у ім, акрамя гаспадароў, прынялі Капыльскі дзяржаўны каледж, Смалявіцкі дзяржаўны аграрна-тэхнічны ліцэй, Рудзенскі цэнтр творчасці дзяцей і моладзі «Вясёлка». На суд журы былі прадстаўлены работы тэхнічнай і дэкаратыўна-прыкладной накіраванасці ў некалькіх намінацыях.
- Такі конкурс праводзіцца штогод і выклікае немалую цікавасць і навучэнцаў, і выкладчыкаў, - распавёў намеснік дырэктара каледжа па вытворчаму навучанню Міхаіл Прановіч. - Сёлета на ўнутраным этапе было прадстаўлена 43 працы ў сямі розных намінацыях. З іх 37 камісія адабрала для абласнога этапу.
Падчас прэзентацыі работы прадстаўлялі іх аўтары. Навучэнец каледжа Уладзімір Самахвал асвойвае прафесію энергетыка, і сярод яго распрацовак ёсць прыбор, які можна назваць мiнiяцюрнай аўтаномнай электрастанцыяй з сонечнай панэллю. Павел Маліноўскі распавёў, з чаго сканструяваў мініятурны музычны цэнтр і лабараторны блок харчавання. Педагог дадатковай адукацыі з Рудзенскага цэнтра «Вясёлка» Анжэла Вінаградава прадставіла свае дэкаратыўныя пано, выкананыя ў тэхніках «асамбляж» і «клеевая філігрань». А кіраўнік практыкі Віталь Жук з Капыльскага дзяржаўнага каледжа паказаў, як садовая лаўка можа лёгка ператварацца ў столік з лавачкамі, і наадварот.
Наталля ЯЗУБЧЫК.