Таксама бібліятэка прыняла ўдзел у ведамаснай прафілактычнай акцыі «Сябруем з законам». З выхаванцамі «SOS - Дзіцячая вёска» супрацоўнікі бібліятэкі правялі гульню «Наш свет і нашы правы». У ходзе гульні дзеці пазнаёміліся з паняццем, што такое правы чалавека, прынялі ўдзел у «мазгавым штурме», сталі ўдзельнікамі «ролевых сітуацый», што спрыяла больш глыбокаму разуменню пытання і суперажыванню удзельнікам.
Для навучэнцаў групы падоўжанага дня гімназіі, супрацоўнікі бібліятэкі ў рамках акцыі правялі школу бяспекі «Вузельчыкі на памяць, або правілы бяспекі на кожны дзень». Дзеці дапамагалі казачным героям выбрацца з бяды, у якую яны траплялі па сваім няведанні асноў бяспекі жыццядзейнасці. Воблачка Міллі зрабiла пажар у кватэры, гусак Шыпун пераходзіў дарогу ў неналежным месцы, а вожык Калючка атрымаў удары і меў патрэбу ў аказанні першай медыцынскай дапамогі.
У рамках акцыі быў арганізаваны марафон «Школа бяспекі - гэта школа жыцця!». Удзельнікамі марафону сталі як дарослыя чытачы, так і дзеці. У рамках марафону нашы чытачы атрымлівалі буклеты па асновах бяспекі жыццядзейнасці. Мелі магчымасць пазнаёміцца з кніжна-ілюстрацыйнай выставай «Хай наша жыццё будзе бяспечным!».
У чытальнай зале бібліятэкі для юных чытачоў прайшла творча-пазнавальная гульня «Дарога шчаслівага дзяцінства». Гульня была арганізавана па ўрыўках з кнігі Х. Тассiеса «Скрадзеныя імёны». Мэта гульні - развіваць здольнасць суперажываць людзям, абмяркоўваць пытанні дыскрымінацыі і разнастайнасці.
У рамках правядзення акцыі «Сябруем з законам» у Голацкай сельскай бібліятэцы была арганізавана выстава матэрыялаў «Зрабі правільны выбар» па здаровым ладзе жыцця. Для чытачоў прапанаваны матэрыял выставы «Чалавек і закон», дзе выкарыстоўваўся галіновы фонд юрыдычнай накіраванасці.
Таксама абноўлены банк чытачоў, якія стаяць на розных відах уліку, праведзена работа па актывізацыі дзяцей з прыцягненнем іх да чытання, наведвання не толькі школьнай, але і сельскай бібліятэкі. У выніку чытачамі сталі вучань 8 класа Дземеш Юрый і дашкольніца Доўгая Мілана, якія стаяць на ўліку СНС.
У Сусветны дзень спантаннага праяўлення дабрыні з непаўналетнімі чытачамі праведзена акцыя па распаўсюду ўлётак для пажылых, якія абслугоўваюцца на даму «Пажарная бяспека ў доме». Да Сусветнага дня сацыяльнай справядлівасці чытачам прапанаваны матэрыял дыспуту «Чалавек і соцыум». Удзельнічаць у дадзеным мерапрыемстве чытачы адмовіліся.
Увогуле з матэрыяламі акцыі «Сябруем з законам» азнаёміліся 150 чалавек. Кнігавыдача літаратуры па дадзенай тэматыцы 23 выданні.
Юныя чытачы Рудзенскай дзіцячай бібліятэкі ведаюць, як павінен сябе паводзіць чалавек у грамадстве, што такое закон і што яго трэба выконваць. Бібліятэкары задавалі розныя пытанні і разам знаходзілі адказы. Важна, не толькі самому выконваць закон, але і перашкаджаць яго парушэнню іншым чалавекам. Ад гэтага залежыць жыццё і бяспека людзей.
Правядзенне акцыі «Сябруем з законам» спрыяла далучэнню чытачоў да прававых ведаў, фарміравання прававой культуры, замацаванню разумення неабходнасці атрымання ведаў па заканадаўстве.