З гэтай мэтай праводзіцца фестываль «Бяспечнае дзяцінства», у якім удзельнічаюць дашкольныя ўстановы адукацыі. Пухавіцкі раён на абласным этапе конкурсу прадставіла ДУА «Дашкольны цэнтр развіцця дзіцяці г. Мар'іна Горка «Парастак».
19 лютага камісія ў складзе намесніка начальніка цэнтра бяспекі жыццядзейнасці і ўзаемадзеяння з грамадскасцю Мінскага абласнога ўпраўлення МНС Сяргея Яшчанкi і метадыста вучэбна-метадычнага аддзела дашкольнай адукацыі ДУА «Мінскі абласны інстытут развіцця адукацыі» Вікторыя Сабурава наведалі пераможцаў раённага этапу.
Педагагічны склад садка прадэманстраваў камісіі куткі бяспекі, створаныя ў групах, метадычныя распрацоўкі, дыдактычныя гульні, накіраваныя на засваенне дзецьмі асноў бяспекі жыццядзейнасці, а таксама асобны пакой бяспекі.
- Падкажыце, абраная тэма засвойваецца дзецьмі лепш на рэгламентаваных занятках або на занятках, якія праводзяцца ў вольнай форме? - удакладніла Вікторыя Сабурава ў прадстаўніка дашкольнага цэнтра развіцця.
- Вядома, у вольнай форме. У першую чаргу таму што няма строгага абмежавання па часе і форме падачы. Мы стараемся данесці важныя веды да кожнага дзіцяці. - адказала выхавальнік адной з груп садка.
Маленькі цэнтр аператыўнага кіравання, «выстава думак» дзяцей на тэму бяспекі, шырокі асартымент гульняў і ўцягнутасць дзяцей і бацькоў у адукацыйны і гульнявы працэс ўразілі гасцей і не пакінулі сумневаў: усё, што ствараецца для дзяцей у ДЦРР «Парастак», робіцца з цеплынёй і клопатам пра іх бяспеку!