Акцыя накіраваная на зніжэнне дарожна-транспартных здарэнняў з удзелам уразлівых удзельнікаў дарожнага руху. Падчас правядзення акцыі супрацоўнікі міліцыі будуць звяртаць увагу на захаванне ПДР пешаходамі, выкарыстанне святлоадбівальных элементаў пры руху ў цёмны час сутак па краі праезнай часткі.

Становішча з дарожна-транспартным траўматызмам на тэрыторыі Пухавіцкага раёна працягвае заставацца складаным. Аналіз аператыўнай абстаноўкі ў сферы дарожнага руху сведчыць аб тым, што штогод у асенне-зімовы перыяд, з раннім надыходам цёмнага часу сутак абвастраецца праблема дарожна-транспартнага траўматызму сярод пешаходаў, веласіпедыстаў і возчыкаў гужавога транспарту. Асноўнай з прычын дарожна-транспартных здарэнняў з гэтай катэгорыяй з'яўляецца ігнараванне самімі пешаходамі Правілаў дарожнага руху, а таксама адсутнасць у цёмны час сутак святлоадбіўных элементаў на адзенні пешых удзельнікаў. Нярэдка гэтая катэгорыя ўдзельнікаў стварае аварыйныя сітуацыі, падвяргаючы небяспецы кіроўцаў і пасажыраў. Часцяком пешаходы свядома парушаюць правілы, пераходзячы вуліцу ў неўстаноўленых месцах, раптам выходзячы на праезную частку з-за прадметаў, якія абмяжоўваюць агляд кіроўцу, або перабягаючы дарогу на забараняльны сігнал святлафора. Часам яны проста ідуць па самым кароткім шляху да бліжэйшай прыпынку, лавіруючы паміж рухаючымiся на хуткасці аўтамабілямі, прычым пешаходны пераход можа знаходзіцца побач. Не адзінкавыя выпадкі, калі пешаходы сядзяць, ляжаць на праезнай частцы дарогі, тым самым ствараючы як для сябе, так і для кіроўцы небяспеку! Пагаршаюць абстаноўку і нецвярозыя пешаходы! Паводзіны п'янага немагчыма прадбачыць, таму кіроўца павінен неадкладна прыняць неабходныя меры засцярогі: спыніцца, аб'ехаць п'янага на такой адлегласці, каб той не змог натыкнуцца на аўтамабіль і вядома ў дадзеным выпадку патэлефанаваць у міліцыю.

У полi зроку супрацоўнікаў ДАІ будуць вадзіцелі, якія не прадстаўляюць перавагі ў руху пешаходам, а таксама выпадкі, якія пацягнулі стварэнне аварыйнай абстаноўкі. Не застануцца без увагі і самі пешыя ўдзельнікі руху.

ДАІ заклікае кіроўцаў быць вельмі ўважлівымі і асцярожнымі за рулём, не адцягвацца і пастаянна трымаць на кантролі дарожную сітуацыю, асабліва ў цёмны час сутак. У населеных пунктах, на нерэгулюемых пешаходных пераходах і пры пад'ездзе да іх рухацца з мінімальнай хуткасцю, каб у выпадку небяспекі своечасова зрэагаваць і прадухіліць ДТЗ.

Пешаходам таксама праяўляць асцярожнасць і ўважлівасць ў дарожным руху, асабліва пры пераходзе нерэгулюемых пешаходных пераходаў. І такім важным элементам бяспекі ў цёмны час сутак як флікер - не варта грэбаваць! Таксама звяртаем увагу бацькоў на неабходнасць абазначэння святлоадбівальнымі элементамі юных удзельнікаў дарожнага руху! Флікеры павінны быць як на вопратцы, так і на школьнай сумцы дзіцяці! Не будзе лішнім пазначыць дзіцяці як спераду, так і ззаду. У такім варыянце непаўнагадовы пешаход будзе ў бяспецы.

Дзяржаўтаінспекцыя Пухавіцкага РАУС заклікае грамадзян!

Калі вы бачыце, што на праезнай частцы або паблізу яе знаходзіцца нецвярозы пешаход, неадкладна паведамляйце па тэлефоне GSM 102 у Пухавіцкі РАУС, магчыма, Ваш званок дапаможа захаваць жыццё.

АДАІ Пухавіцкага РАУС.