Хлопцы з ДУА: «Сярэдняя школа №4 г. Мар'іна Горка», «Шацкая сярэдняя школа», «Голацкi КПК дзіцячы сад – сярэдняя школа» сабраліся, каб даказаць гледачам і журы, што менавіта лідэры іх піянерскай дружыны вартыя звання «Супер».
Конкурс пачаўся з задання «Трыяда лідэраў «Разам мы сіла». У выступленнях канкурсантаў раскрывалася ўзаемадзеянне, узаемасувязь у сістэме «важаты – піянер – акцябронак». Кожнае выступленне было маляўнічым і музычным, адрознівалася арыгінальным сцэнарыям.
Далей удзельнікі прадставілі відэаролікі «Самапрэзентацыя «Наш шлях да поспеху», у якіх прадэманстравалі свае якасці, захапленні, дасягненні і светапогляд.
І завяршылася «СуперТройка» конкурсным заданнем «Мазгавы штурм «Адгадаць за 60 секунд». Канкурсантам неабходна было адказаць на 3 пытаннi квiзу за 60 секунд. Усе ўдзельнікі выдатна справіліся з прапанаванымі пытаннямі, паказаўшы высокі ўзровень сваёй эрудыцыі.
Пры падвядзенні вынікаў «СуперТройкi» улічвалася і конкурснае заданне завочнага тура: «Партфоліо для важатага і піянера-лідэра» і фотакалаж «Заплечнік акцябронка».
Няпростае рашэнне прымалі члены журы. Яркія супертройкі запальвалі ў гэты дзень глядацкую залу! І вось ён... доўгачаканы вынік!!! Пераможцам конкурсу стала супертройка ДУА «Сярэдняя школа №4 г. Мар'іна Горка»: старэйшая важатая Брывач Аксана Васільеўна, піянер-лідар Яфіменка Ганна і акцябранок – Гапоненка Мацвей. Другое месца занялі лідары ДУА «Шацкая сярэдняя школа»: старэйшая важатая – Навіцкая Наталля Яўгенаўна, піянер-лідар – Дубовік Вераніка, акцябранок – Гурыновіч Кацярына і ДУА «Голацкі КПК дзіцячы сад-сярэдняя школа»: старэйшая важатая – Зубрыцкая Валянціна Андрэеўна, піянер-лідар – Лысенка Кацярына, акцябранок – Смольская Вікторыя.
Пераможцы і прызёры конкурсу ўзнагароджаны граматамі і памятнымі падарункамі, у набыцці якіх дапамог аддзел ідэалагічнай работы, культуры і па справах моладзі.