Больш за 40 школьнікаў аб'яднаў раённы конкурс «Школа бяспекі-2019», які прайшоў на базе Мар'інагорскай гімназіі.
Хлопцы былі падзеленыя на тры ўзроставыя катэгорыі. Кожнаму прыйшлося адказаць на пытанні ў галіне бяспекі жыццядзейнасці і вырашыць шэраг задач аб тым, як дзейнічаць у надзвычайных сітуацыях. А для тых, хто чакаў сваёй чаргі ці ўжо завяршыў тэст, была арганізавана забаўляльная праграма, у тым ліку паказ мультфільмаў на супрацьпажарную тэматыку.
Найбольш падрыхтаванымі да надзвычайных сітуацый сярод навучэнцаў 1-4-х класаў апынуліся Аліна Кураш (Мар'інагорская гімназія), Аліса Галабурда (Свіслацкая сярэдняя школа), Максім Качура (Пухавіцкая сярэдняя школа). Сярод навучэнцаў 5-7-х класаў лепшыя вынікі паказалі Кірыл Каменка (Мар'інагорскі КПК дзіцячы сад-сярэдняя школа), Соф'я Пінчук (Голацкі КПК дзіцячы сад-сярэдняя школа), Ілля Машлякевіч (Свіслацкая сярэдняя школа). Сярод 8-11-х класаў - Дар'я Шувалава (Ананіцкі КПК дзіцячы сад-сярэдняя школа), Валерыя Алефірэнка (Шацкая сярэдняя школа), Дар'я Дударчык (Дрычынская базавая школа). Пераможцы ўзнагароджаны памятнымі сувенірамі ад Пухавіцкага раённага аддзялення «Беларуская Моладзежная грамадская арганізацыя ратавальнікаў-пажарных». Гэтыя хлопцы прадставяць раён на абласным этапе конкурсу ў Мінску.
Кацярына ДАБРЫЦКАЯ.