У мінулым годзе на тэрыторыі Мінскай вобласці зарэгістравана 556 крадзяжоў з дачных дамоў, найбольшая колькасць якіх у Мінскім – 89, Пухавіцкім – 85 і Смалявіцкім – 70 раёнах.
На сённяшні дзень ужо здзейснена 39 злачынстваў дадзенай катэгорыі, 4 з якіх на тэрыторыі нашага раёна.
Пра тое, як зберагчы сваю дачную маёмасць, і якія мінімальныя правілы бяспекі трэба выконваць для таго, каб папярэдзіць крадзеж, распавёў намеснік начальніка аддзела аховы правапарадку і прафілактыкі Пухавіцкага РАУС Аляксандр Бачыла.
Для пранікнення ў дачныя домікі зламыснікі выкарыстоўваюць самыя розныя спосабы, самымі «папулярнымі» з якіх з'яўляюцца: ўзлом дзвярэй, уздзеянне на акно, падбор ключа, праварота асяродку замка, і, як ня сумна гэта канстатаваць - вольны доступ.
Прадметамі замахаў зламыснікаў з'яўляюцца як дарагая кампутарная і бытавая тэхніка, транспартныя сродкі, так і прадукты харчавання, адзенне, абутак, прадметы хатняга ўжытку, у тым ліку і кухоннае начынне. Часцяком, пры пранікненні ў дачныя хаты і размешчаныя побач з імі дапаможныя памяшканні, зламыснікі выкрадаюць будаўнічы інструмент, садовы інвентар, электрычную тэхніку і іншую маёмасць, пакінутую уладальнікамі на працяглы перыяд часу.
Не грэбуюць зламыснікі таксама і металічнымі вырабамі, часцяком выкрадаючы лом чорных, і асабліва каляровых металаў.
Для таго каб зберагчы сваю маёмасць, трэба заўсёды памятаць асноўныя правілы, выкананне якіх дапаможа забяспечыць яе захаванасць:
- калі выходзіце, зачыняйце усе вокны і дзверы на ўсе запорные прылады - гэтыя дзеянні павінны стаць звычкай і для іншых членаў Вашай сям'і;
- пазбягайце размоў на тэму свайго месцазнаходжання, асабліва ў прысутнасці чужых людзей і дзяцей. Нагадвайце дзецям, што нельга распавядаць незнаёмым людзям пра тое, хто знаходзіцца дома, а таксама пра тое, дзе захоўваюцца ключы ад дома або кватэры;
- абсталёўвайце свой дачны домік альбо гараж рознымі даступнымі тэхнічнымі прыстасаваннямі, напрыклад: браніраванымі дзвярыма, металічнымі рашоткамі ў аконных праёмах, ахоўнай сігналізацыяй, відэаназіраннем. Не пакідайце ў адкрытым доступе прадметы, якія карыстаюцца стабільным попытам у зламыснікаў;
- ніколі не хваліцеся сваім дабрабытам ў прысутнасці малазнаёмых людзей;
- не пускайце ў дачны дом і гараж малазнаёмых людзей, вучыце гэтаму правілу дзяцей;
- калі ў момант вяртання на дачу Вы пачуеце, што ў хаце нехта чужы - не спрабуйце яго затрымаць. Неабходна прыцягнуць увагу навакольных, выклікаць міліцыю і запомніць прыкметы злачынцы;
- калі застанеце сваё жыллё узламаным - нічога не прыбірайце, не спрабуйце хутка ўсталяваць што прапала - Вы знішчыце сляды і доказы злачынства, а разам з імі і шанцы на аператыўнае выкрыванне зламысніка.
Аб атрыманні інфармацыі па аказанні паслуг па абсталяванню памяшканняў, дамоў, гаражоў, месцаў захоўвання грамадзянскай зброі тэхнічнымі сродкамі сістэм ахоўнай сігналізацыі, цэнтралізаванае назіранне за якімі ажыццяўляецца падраздзяленнямі Дэпартамента аховы МУС, Вы можаце звернецца па адрасе: горад Мар'іна Горка, вуліца Пралетарская, дом № 6А, альбо па тэлефоне: (801713) 35-4-77; (801713) 34-8-84 у Пухавіцкі аддзел Дэпартамента аховы МУС Рэспублікі Беларусь.
