З першых дзён года пачала папаўняць скарбонку сваіх узнагарод вучаніца СШ №2 Ліза Няборская, стаўшы на міжнародным фестывалі-конкурсе дзіцячай і юнацкай творчасці "Я магу!" лаўрэатам 1-й ступені. Больш за тое, Ліза была намінаваная на атрыманне міжнароднай прэміі ў галіне дзіцячай і моладзежнай творчасці "Аrtis-2019". Цырымонія ўзнагароджання пройдзе ў Санкт-Пецярбургу.
Тыднем пазней Ліза ў складзе вакальнага ансамбля "Фантазія" разам з Дар'яй Лазарчык, Уладзіславай Марцінчык і Палінай Аўсянік паспяхова выступіла на рэспубліканскім фестывалі-конкурсе маладых выканаўцаў "Беларускія таленты". У выніку Гран-пры фестывалю - у пухаўчанак.
Алена Іванова.