Сяргей Шабека, Наталля Чарнышова і Аляксандр Мароз.
Урачысты момант адкрыцця новага двухпавярховага будынка, які пабудаваны на вуліцы Пралетарская, прыцягнуў многіх мінакоў. Забіяцкай песняй усіх вітаў ансамбль "Навасёлачка". Намеснік старшыні раённага выканаўчага камітэта Наталля Чарнышова падзякавала кіраўніцтву ТВА "Белэнерга" і РУП «Мінскэнерга» за стварэнне камфортных умоў для кліентаў раённага філіяла «Энергазбыт» і яго работнікаў.
Намеснік дырэктара ТПА "Белэнерга" Сяргей Шабека і генеральны дырэктар РУП "Мінскэнерга" Аляксандр Мароз у сваіх выступах адзначылі, што праца па паляпшэнні абслугоўвання спажыўцоў электраэнергіі, актыўна праводзіцца як у Мінскай вобласці, так і ў цэлым па рэспубліцы.
Дырэктар філіяла «мінская цэц» РУП «Мінскэнерга» Сяргей Іваноў ўручыў начальніку Пухавіцкага МРА філіяла «Энергазбыт» Захараву Івану сімвалічны ключ ад новага адміністрацыйнага будынка. У яго светлых прасторных кабінетах і вялікім памяшканні абаненцкага аддзела створаны выдатныя ўмовы як для працы персаналу, так і для наведвальнікаў.
Андрэй Мазанік.