Цырымонія закладкі «капсулы часу» з пасланнем для будучых пакаленняў.
Дэлегацыя Пухаўшчыны прыняла ўдзел у абласным святочным мерапрыемстве «Наша слава, наш гонар, наша юнацтва - камсамол!», прымеркаваным да 100-годдзя ўтварэння ВЛКСМ. Гасцей з усіх рэгіёнаў Міншчыны сардэчна сустракала Любань.
Ветэраны камсамола Маргарыта Смулькевiч, Ірына Васілеўская, Уладзімір Жаровiн і першы сакратар РК ГА «БРСМ» Аляксандра Стош.
На цэнтральнай плошчы горада сабраліся прадстаўнікі самай буйной маладзёжнай грамадскай арганізацыі мінулага стагоддзя. Усе ўдзельнікі свята сталі сведкамі цырымоніі закладкі «капсулы часу» з пасланнем для будучых пакаленняў, якую нашым нашчадкам трэба будзе адкрыть толькі праз 50 гадоў - у 2068 годзе. Пад тэкстам паслання падпісалася сённяшняя моладзь - першыя сакратары раённых моладзежных арганізацый вобласці і горада Жодзіна.
Затым кіраўніцтва аблвыканкама, абласнога Савета дэпутатаў, прадстаўнікі міністэрстваў і ведамстваў, а таксама ветэраны камсамольскага руху і саюзная моладзь ўсклалі кветкі да мемарыяла загінулым савецкім актывістам, воінам, партызанам і падпольшчыкам.
У Любанскім раённым цэнтры культуры працавалі інтэрактыўныя выставачныя пляцоўкі, тэматычныя фотозоны і імправізаваная тэлестудыя. Камсамольскія значкі і квіткі, ганаровыя граматы, сцягі, вымпелы вярнулі камсамольцаў ў атмасферу працоўных пяцігодак і ударных будоўляў.
З святам усіх, хто сабраўся павіншаваў намеснік старшыні Мінскага абласнога выканаўчага камітэта Іван Маркевіч. Затым адбылося ўзнагароджанне ветэранаў камсамола і лепшых прадстаўнікоў сучаснага моладзежнага руху.
Дырэктар ААТ «Агра-абярэг» Пётр Козак.
Гучныя апладысменты гучалі і ў адрас пухаўчан, якія падымаліся на сцэну за ўзнагародамі. За шматгадовую працу Ганаровай граматай Міністэрства сельскай гаспадаркі і харчавання Рэспублікі Беларусь адзначаны дырэктар ААТ «Агра-абярэг» Пётр Козак. Дырэктар раённага краязнаўчага музея Аляксандр Прановіч узнагароджаны Ганаровай граматай Міністэрства культуры.
Завяршальным акордам свята стала канцэртная праграма з удзелам артыстаў з розных куткоў вобласці. Любань, дарэчы, не выпадкова выбрана месцам правядзення свята. 50 гадоў таму Любанская раённая камсамольская арганізацыя Мінскай вобласці была ўзнагароджана ордэнам Айчыннай вайны I ступені.
Кацярына Вернікоўская.