Навагоднія танцавальна-забаўляльныя праграмы пройдуць 1 студзеня 2024 года з 01.00 да 04.00 гадзін.
У Мар'інай Горцы ў навагоднюю ноч жыхароў горада чакаюць на цэнтральнай плошчы па вуліцы Ленінскай, каля дзяржаўнай установы культуры «Пухавіцкі раённы цэнтр культуры».
Навагоднія дыскатэкі пройдуць на тэрыторыях паблізу Рудзенскага гарпасялковага дома культуры, Дружненскага сельскага дома культуры, Свіслацкага гарпасялковага дома культуры, Дуброўскага сельскага цэнтра культуры.
Мясцовых жыхароў і гасцей чакаюць на свята ў Праўдзінскім гарпасялковым Доме культуры, Шацкім, Дрычынскім, Дукорскім, Светлаборскім, Пухавіцкім, Турынскім, Голацкім, Габрыелеўскім, Навасёлкаўскім, Зазерскім сельскіх Дамах культуры, Зоркаўскай, Суцінскай, Талькаўскай сельскiх бібліятэках-клубах.
У месцах правядзення святочных мерапрыемстваў грамадскую бяспеку будуць забяспечваць супрацоўнікі РАУС, пажарную бяспеку — супрацоўнікі РАУС. У горадзе Мар'іна Горка, гарадскіх пасёлках Рудзенск, Свіслач, пасёлку Дружны, аграгарадку Дуброўка ўзгоднена дзяжурства брыгад хуткай медыцынскай дапамогі.
Адпаведнае распараджэнне падпісаў старшыня райвыканкама Андрэй Атрушкевіч.
Наталля ПАРХОМЧЫК.
