З мэтай папярэджання ДТЗ з удзелам уразлівых удзельнікаў дарожнага руху з 18 па 26 лютага Дзяржаўтаінспекцыя Мінскай вобласці праводзіць прафілактычнае мерапрыемства па забеспячэнні бяспекі ўразлівых удзельнікаў дарожнага руху. Асноўнай з прычын дарожна-транспартных здарэнняў з удзелам пешаходаў з'яўляецца ігнараванне правілаў дарожнага руху: а менавіта адсутнасць у цёмны час сутак святлоадбіўных элементаў і непрадастаўленне вадзіцелямі перавагі ў руху пешаходам на пешаходных пераходах.
Падчас штодзённых рэйдаў ДАІ Пухавіцкага РАУС адпрацуе месцы канцэнтрацыі ДТЗ, а таксама аварыйна-небяспечныя ўчасткі аўтамабільных дарог і вуліц населеных пунктаў, найбольш схільных да рызыкі ўчынення наездаў на пешаходаў і веласіпедыстаў. Вартавыя дарог звернуць увагу на выяўленне парушэнняў з боку пешаходаў, якія ігнаруюць ПДР і не абазначаюць сябе святлоадбіўнымі элементамі ў цёмны час сутак, а таксама на асоб, якія знаходзяцца на праезнай частцы або паблізу ад яе ў нецвярозым стане. Таксама пад кантролем будуць знаходзіцца і вадзіцелі, якія не даюць перавагі пешым удзельнікам у дарожным руху.
Паважаныя вадзіцелі, пры набліжэнні да пешаходнага пераходу трэба загадзя знізіць хуткасць, аж да спынення транспартнага сродку, павысіць увагу, ацаніць умовы бачнасці і агляду праезнай часткі дарогі. Неабходна прапусціць пешаходаў, якія пачынаюць або завяршаюць пераход. Паважаныя пешаходы, у сваю чаргу перад пачаткам пераходу ўпэўніцеся, што выхад на праезную частку дарогі бяспечны. Настойліва раім спыніцца каля краю праезнай часткі дарогі, паглядзець па баках, пераканацца, што вадзіцелі вас заўважылі, паспелі спыніць транспартныя сродкі і толькі тады пачынаць пераходзіць дарогу. Пры пераходзе праезнай часткі не размаўляйце па мабільным тэлефоне, адключайце навушнікі, малалетніх дзяцей вядзіце за руку, спешвайцеся і перакочвайце сродкі персанальнай мабільнасці: сігвеі, электрасамакаты, электраскейтборды, гіраскутары, манаколы і да т.п.
Прамую пагрозу бяспечнаму дарожнаму руху ствараюць нецвярозыя пешаходы. Гэта, як правіла, людзі, якія вядуць асацыяльны лад жыцця, непрацуючыя, неаднаразова парушаючыя ПДР, злоўжываючыя спіртнымі напоямі, ва ўзроставай катэгорыі ў асноўным 30-50 гадоў, амаль заўсёды апранутыя ў цёмнае адзенне, не пазначаныя святлоадбіўнымі элементамі ў цёмны час сутак. Акрамя таго, неадэкватнасць нецвярозых пешаходаў, іх раптоўны выхад на праезную частку і жаданне «паляжаць» на праезнай частцы заканчваюцца смяротна.
Дзяржаўтаінспекцыя звяртаецца да ўсіх удзельнікаў дарожнага руху: калі вы бачыце паблізу праезнай часткі пешахода (веласіпедыста), які знаходзіцца з характэрнымі прыкметамі ап'янення, які відавочна ўяўляе небяспеку для руху, просім вас неадкладна паведамляць у дзяжурную частку па тэлефоне 102.
АДАІ Пухавіцкага РАУС
