Па традыцыі сустракаць новы год з даўгамі - дрэнная прымета. Напярэдадні свята супрацоўнікі аддзела ДАІ Пухавіцкага РАУС заклікаюць жыхароў раёна ў адыходзячым годзе пагасіць даўгі за парушэнні Правілаў дарожнага руху, каб пазбегнуць непрыемных наступстваў.
У выпадку, калі парушальнікі Правілаў дарожнага руху не аплацяць штраф ва ўстаноўлены законам тэрмін, то згодна з часткай 1 артыкула 17.1 Працэсуальна-выканаўчага кодэкса Рэспублікі Беларусь аб адміністрацыйных правапарушэннях штраф аўтаматычна павялічваецца на дзве базавыя велічыні (64 рублі) і можа быць спагнаны прымусова, шляхам накіравання ў аддзел прымусовага выканання (АПІ) прадстаўлення аб прымусовым спагнанні штрафу.
У сваю чаргу судовым выканаўцам у дачыненні да даўжніка могуць быць прыняты меры прымусовага характару, такія як:
-арышт наяўных грашовых сродкаў, а таксама грашовых сродкаў, якія знаходзяцца на разліковых рахунках (электронных кашальках);
-абмежаванне ў праве кіраваннем механічнымі транспартнымі сродкамі;
-абмежаванне ў наведванні ігральных устаноў, віртуальных ігральных устаноў і ўдзеле ў азартных гульнях;
-абмежаванне ў праве на выезд з Рэспублікі Беларусь;
-забарона іншым асобам выконваць абавязацельствы на карысць даўжніка (інтэрнэт, мабільная сувязь і інш.).
Такім чынам, звяртаем Вашу ўвагу на своечасовую аплату штрафаў за парушэнне Правілаў дарожнага руху, гэта зэканоміць ваш час і дапаможа пазбегнуць дадатковых выдаткаў.
АДАІ Пухавіцкага РАУС
