У мэтах прафілактыкі дарожна-транспартнага траўматызму на ўчастках аўтамабільных дарог і вулічна-дарожных сетак населеных пунктаў Мінскай вобласці дзяржаўтаінспекцыя з 11 кастрычніка па 13 кастрычніка 2022 будзе праводзіць на тэрыторыі Пухавіцкага раёна рэйдавыя мерапрыемствы па адпрацоўцы аварыйна-небяспечных участкаў аўтадарог з кантролем правілаў праезду нерэгулюемых пешаходных пераходаў.
Падчас нясення службы супрацоўнікі будуць задзейнічаны на мясцовых аўтамабільных дарогах і ў сельскіх населеных пунктах Пухавіцкага раёна паблізу забаўляльных і гандлёвых аб'ектаў, дзе таксама будзе праводзіцца кантроль асоб, якія раней неаднаразова прыцягваліся да адказнасці за кіраванне транспартнымі сродкамі ў стане ап'янення і (або) не маючы права кіравання, іншых фактараў.
Таксама асаблівая ўвага будзе надавацца такім парушэнням, як выезд на сустрэчную паласу, невыкананне правілаў абгону, праезд пешаходных пераходаў і скрыжаванняў, непрадастаўленне перавагі ў руху пешаходам, парушэнне правілаў перавозкі пасажыраў (у першую чаргу - дзяцей), а таксама парушэнням з боку ўразлівых удзельнікаў дарожнага руху, асабліва ў цёмны час сутак (выкарыстанне святлоадбівальных элементаў) і фізічнаму стану ўдзельнікаў дарожнага руху.
Дзяржаўтаінспекцыя заклікае ўсіх удзельнікаў руху да няўхільнага выканання патрабаванняў Правілаў дарожнага руху.
АДАІ ПУХАВІЦКАГА РАУС
