Інфармацыйны матэрыял для СМІ і выступаў у рамках

СКМ «Увага - дзеці!» з 25 жніўня па 5 верасня

і Адзінага дня бяспекі дарожнага руху пад дэвізам «Бяспечная дарога ў школу – задача дарослых!» 26.08.2022

на тэрыторыі Пухавіцкага раёна

З 25 жніўня па 5 верасня 2022 года на тэрыторыі Пухавіцкага раёна Дзяржаўтаінспекцыя праводзіць спецыяльны комплекс мерапрыемстваў «Увага - дзеці!», у рамках якога пад дэвізам «Бяспечная дарога ў школу – задача дарослых!» 26 жніўня б.г. таксама арганізавана і правядзенне Адзінага дня бяспекі дарожнага руху, накіраванага на прафілактыку дзіцячага дарожна-транспартнага траўматызму перад пачаткам навучальнага года.

У першыя дні, калі навучэнцы пойдуць у школу, абласная Дзяржаўтаінспекцыя і прадстаўнікі адукацыі ў рамках тыдня бяспекі дарожнага руху сустрэнуцца з навучэнцамі і іх бацькамі, каб яшчэ раз пагаварыць аб важных пытаннях, якія тычацца правільных і бяспечных паводзін на вулічна-дарожнай сетцы, у аўтатранспарце, абазначэнні святлоадбівальнымі элементамі ў цёмны час сутак, а таксама культуры паводзін і ўзаемапавазе паміж удзельнікамі дарожнага руху.

!!! Таксама вельмі важна нагадаць нашым паважаным кіроўцам аб тым, што падчас спецыяльнага комплекснага мерапрыемства «Увага - дзеці!» вадзіцелям усіх транспартных сродкаў, пры руху ў светлы час сутак неабходна ўключаць блізкае святло фар, або дзённыя хадавыя агні (пры іх наяўнасці), быць максімальна ўважлівымі, асабліва паблізу дзіцячых навучальных устаноў, пешаходных пераходаў і на дваровых тэрыторыях.

За парушэнне дадзенага патрабавання, прадугледжанага п.166.9 ПДР, у дачыненні да кіроўцаў прымяняецца адміністрацыйная адказнасць у адпаведнасці з ч.3 арт. 18.13 КоАП Рэспублікі Беларусь.

Праблема дзіцячага дарожна-транспартнага траўматызму на сённяшні дзень застаецца актуальнай. За 7 месяцаў бягучага года адбылося 45 ДТЗ, у выніку якіх 2 непаўналетнія загінулі і 44 атрымалі траўмы рознай ступені цяжкасці. 11 ДТЗ адбыліся па віне саміх дзяцей.

Асноўнымі памылкамі непаўналетніх пешаходаў, якія сталі прычынамі ДТЗ з'явіліся: пераход праз праезную частку па-за пешаходным пераходам, нечаканае выйсце з-за транспартнага сродку або іншых перашкод, якія абмяжоўваюць агляднасць кіроўцу, а таксама знаходжанне на праезнай частцы без суправаджэння дарослых.

Паважаныя дарослыя, тлумачце дзецям, што нават маючы перавагу на пешаходным пераходзе, пешаход абавязаны быць вельмі ўважлівым, асцярожным, не адцягваць увагу пры пераходзе праезнай часткі, абавязкова глядзець па баках, выключыць размовы па мабільным тэлефоне і выкарыстанне навушнікаў пры праслухоўванні якой-небудзь інфармацыі ці музыкі, сваімі дзеяннямі не ствараць перашкоды для руху транспартных сродкаў.

Перыяд заканчэння летняга адпачынку і пачатку вучобы традыцыйна характарызуецца наяўнасцю шэрагу пагроз забеспячэнню бяспекі дзяцей на дарозе. Адна з асноўных такіх рызык - павелічэнне актыўнасці перавозкі дзяцей з месцаў адпачынку, дзіцячых лагераў асабістым транспартам, а таксама ў складзе арганізаваных груп аўтобусамі.

На цяжар наступстваў дарожна-транспартных здарэнняў з удзелам непаўналетніх пасажыраў уплывае тая акалічнасць, што шэраг дарослых пры перавозцы дзяцей усё ж грэбуюць выкарыстаннем пасіўных сродкаў бяспекі (аўтакрэслаў, бустэраў, спецыяльных падушак), альбо перавозяць малалетніх дзяцей у дзіцячых утрымліваючых прыладах прыфастрыгоўваючы іх рамянямі бяспекі. Але апроч гэтага, на глыбокі жаль, знаходзяцца і злосныя парушальнікі, якія, не баючыся адказнасці і наступстваў садзяцца за руль у алкагольным ап'яненні, тым больш, калі ў аўтамабілі знаходзяцца непаўналетнія пасажыры.

ДАІ нагадвае, што за парушэнне правілаў перавозкі дзяцей у адпаведнасці з ч.6 арт.18.13 КоАП Рэспублікі Беларусь у дачыненні да кіроўцы накладаецца адміністрацыйнае спагнанне ў выглядзе папярэджання ці штрафу ў памеры да 4 БВ. Паважаныя дарослыя! У абавязковым парадку перавозіце дзяцей толькі прышпіленымі рамянямі бяспекі, а для дзяцей малодшага ўзросту выкарыстоўвайце спецыяльныя ўтрымліваючыя прылады!

Згодна з п.178 ПДР «Перавозка дзяцей у легкавым аўтамабілі, абсталяваным рамянямі бяспекі, павінна ажыццяўляцца з выкарыстаннем:

дзіцячых утрымліваючых прылад, якія адпавядаюць вазе і росту дзіцяці, - ва ўзросце да пяці гадоў;

дзіцячых утрымліваючых прылад, якія адпавядаюць вазе і росту дзіцяці, іншых сродкаў (бустэраў, спецыяльных падушак для сядзення, дадатковых сядзенняў), якія дазваляюць бяспечна прышпіліць дзіця з дапамогай рамянёў бяспекі, прадугледжаных канструкцыяй транспартнага сродку, – ва ўзросце ад пяці да дванаццаці гадоў.

Дапускаецца перавозіць дзяцей ва ўзросце да дванаццаці гадоў без выкарыстання названых у частцы першай гэтага пункта прылад у выпадку, калі рост дзіцяці перавышае 150 сантыметраў, а таксама ў аўтамабілі-таксі.

Забараняецца перавозка дзяцей на пярэднім сядзенні легкавога аўтамабіля з выкарыстаннем дзіцячых утрымліваючых прылад, якія адпавядаюць вазе і росту дзіцяці, спінка якіх разгорнута да лабавога шкла транспартнага сродку, калі пярэдняе сядзенне мае падушку бяспекі, за выключэннем выпадку, калі механізм франтальнай падушкі бяспекі адключаны».

Варта адзначыць, што заканадаўствам прадугледжаны абавязак выкарыстання не толькі так званых «дзіцячых крэслаў», але і іншых прылад, якія дазваляюць бяспечна прышпіліць дзіця з дапамогай штатных рамянёў бяспекі.

Пакуль не скончылася цёплая пара, на дарозе мы нярэдка сустракаем веласiпедыстаў, і на жаль, сярод дарослых мы бачым на вялікай дарозе і дзяцей. А правілы абвяшчаюць - знаходжанне дзяцей-веласіпедыстаў да 14-летняга ўзросту на дарогах агульнага карыстання без суправаджэння дарослых катэгарычна забаронена. Таму не будзе лішнім правесці тлумачальную гутарку бацькам з дзецьмі па бяспечным веларуху, каб не здарылася непрыемнай сітуацыі, як у прыведзеных ніжэй выпадках.

Дзяржаўтаінспекцыя Мінскай вобласці звяртае ўвагу бацькоў і нагадвае аб тым, што менавіта яны ў першую чаргу нясуць адказнасць за сваіх дзяцей! Неабходна на асабістым станоўчым прыкладзе з самага ранняга ўзросту выхоўваць у дзяцей навык няўхільнага захавання правілаў дарожнага руху, тлумачыць дзецям наступствы невыканання ПДР.

Шлях дзіцяці ў школу і назад дадому павінен быць бяспечным! Нагадайце асноўныя правілы паводзін на дарозе! Дабейцеся таго, каб дзіця, знаходзячыся паблізу або на праезнай частцы, не размаўляла па тэлефоне і не слухала музыку ў навушніках, бо гэта адцягвае яго ўвагу! У абавязковым парадку пазначце школьную сумку, адзенне дзіцяці святлоадбіўнымі элементамі!

За неналежнае выкананне абавязкаў па выхаванні непаўналетніх, бацькі могуць быць прыцягнуты да адміністрацыйнай адказнасці ў адпаведнасці з заканадаўствам Рэспублікі Беларусь.

Паважаныя дарослыя! Бяспека дзяцей у першую чаргу залежыць ад вашай увагі і кантролю, будзьце добрым прыкладам для іх!

АДАІ Пухавіцкага раёна