Нягледзячы на меры, якія прымаюцца па папярэджанні і спыненні фактаў кіравання транспартнымі сродкамі асобамі, якія знаходзяцца ў стане ап'янення, узровень ДТЗ з удзелам нецвярозых вадзіцеляў застаецца высокім.
У мэтах папярэджання і спынення фактаў кіравання транспартнымі сродкамі нецвярозымі вадзіцелямі, як адной з асноўных прычын ДТЗ з цяжкімі наступствамі, з 06 па 10 мая 2022 года Дзяржаўтаінспекцыя Мінскай вобласці праводзіць прафілактычную акцыю «Цвярозы вадзіцель». Патруляванне нарадаў міліцыі набліжана да аб'ектаў гандлю спіртнымі напоямі, забаўляльнымі ўстановамі, АЗС і інш. асабліва працуючым у кругласутачным рэжыме. Рэйдавыя мерапрыемствы пройдуць па ўсёй тэрыторыі вобласці, у рамках якіх будзе ажыццяўляцца кантроль за фізічным станам вадзіцеляў транспартных сродкаў.
Падчас нагляду за дарожным рухам вартавымі дарог Пухавіцкага раёна ўжо затрымана 46 вадзіцеляў, якія кіравалі транспартнымі сродкамі ў стане ап'янення.
Дзяржаўтаінспекцыя нагадвае! Згодна з Кодэксам аб адміністрацыйных правапарушэннях Рэспублікі Беларусь, меры адміністрацыйнага ўздзеяння за нецвярозае кіраванне ад 0,3 да 0,8 праміле ўключна накладаецца штраф 100 базавых велічынь і пазбаўленне права займацца пэўнай дзейнасцю на 3 гады, больш за 0,8 праміле - 200 базавых велічынь штрафу з пазбаўленнем права займацца пэўнай дзейнасцю на 5 гадоў.
Ужыванне кіроўцам алкаголю пасля здзяйснення ДТЗ, удзельнікам якога ён з'яўляецца да праходжання агляду на прадмет вызначэння стану ап'янення цягне за сабой накладанне штрафу ў памеры 200 базавых велічынь з пазбаўленнем права займацца пэўнай дзейнасцю на 5 гадоў.
За паўторнае кіраванне ў стане алкагольнага ап'янення на працягу года правапарушальнік прыцягваецца да крымінальнай адказнасці, пры гэтым прадугледжана спецыяльная канфіскацыя транспартнага сродку, якім кіравалі ў стане ап'янення, незалежна ад права ўласнасці.
Паважаныя грамадзяне, не заставайцеся абыякавымі і безуважнымі. Калі вы бачыце ці ведаеце, што транспартным сродкам кіруе вадзіцель у стане ап'янення, паведамляйце ў дзяжурную частку Пухавіцкага РАУС, альбо на тэлефонную лінію 102. Нецвярозаму не месца за рулём!
АДАІ Пухавіцкага РАУС
