Адным з відаў транспарту з'яўляюцца двухколавыя транспартныя сродкі – гэта матацыклы і мапеды, якія для кагосьці з'яўляюцца спосабам актыўнага адпачынку ці хобі, а для кагосьці – транспартам, неабходным для працы і жыцці. Прычыны выкарыстоўваць матацыкл у якасці сродку перасоўвання ў кожнага могуць быць свае, аднак усіх кіроўцаў двухколавага транспарту аб'ядноўваюць аднолькавыя праблемы, якія злучаны са спецыфікай кіравання «жалезных коней», і ў першую чаргу – з праблемамі бяспекі кіроўцы. Штогод з надыходам вясенне-летняга перыяду ўзрастае колькасць дарожна-транспартных здарэнняў з удзелам вадзіцеляў мотатранспарту.
Праверкі па фактах ДТЗ паказалі, што асноўныя фактары, якія аказваюць уплыў на цяжар наступстваў, з'яўляюцца адсутнасць вадзіцельскіх правоў у матацыклістаў, ліхацтва і перавышэнне хуткасці, невыкананне патрабаванняў аб выкарыстанні моташлемаў. У адрозненне ад вадзіцеляў транспартных сродкаў, вадзіцелі матацыклаў куды менш абаронены ад розных аварыйна-небяспечных сітуацый. Калі чалавек, які кіруе легкавым або грузавым аўтамабілем, абаронены металічнай канструкцыяй кузава, то кіроўцу матацыкла ад дарогі і ўзнікшых на ёй нечаканых перашкод аддзяляе толькі адзенне і сродкі індывідуальнай абароны. Перш чым сесці за руль матацыкла, абавязкова трэба памятаць аб сваёй бяспецы і апранаць усё неабходнае прыладдзе, служачае для абароны падчас язды ад усялякіх непрадбачаных сітуацый, паколькі зыход падзей можа быць розны.
З пачатку бягучага года на тэрыторыі Мінскай вобласці з удзелам вадзіцеляў двухколавых транспартных сродкаў адбылося 3 ДТЗ, у выніку якіх 3 чалавекі атрымалі траўмы.
З удзелам веласіпедыстаў адбылося 7 ДТЗ, дзе 3 чалавекі загінулі, 5 – атрымалі траўмы, сярод якіх 2 непаўналетнія.
Паважаныя дарослыя! Асаблівую ўвагу надайце дзецям-веласіпедыстам. Іх як магнітам цягне пакатацца на веласіпедах па добрай асфальтаванай дарозе. Ні ў якім разе не дазваляйце дзецям ва ўзросце да 14 год выязджаць на дарогі агульнага карыстання, і нават з 14-гадовымі неабходна праводзіць інструктаж.
Нагадваем, веласіпедыстам неабходна абсталяваць свае веласiпеды фарамі (ліхтарамі), якія выпраменьваюць спераду белае святло, ззаду – чырвонае, і памятаць, што па праезнай частцы дарогі веласiпедысту можна рухацца не далей за 1 метр ад яе правага краю.
У мэтах павышэння ўзроўню бяспекі дарожнага руху, зніжэння цяжару наступстваў ДТЗ з удзелам, веласіпедыстаў, вадзіцеляў двухколавых механічных транспартных сродкаў, прапаганды бяспекі дарожнага руху пры эксплуатацыі мотатранспарту, а таксама фарміравання ўзаемнаветлівых адносін паміж удзельнікамі дарожнага руху і спынення хуліганскіх дзеянняў з боку матацыклістаў, 29 красавіка 2022 года Дзяржаўтаінспекцыя Міншчыны праводзіць Адзіны дзень бяспекі дарожнага руху пад дэвізам: «Колаў менш – небяспекі больш!».
У рамках мерапрыемства арганізаваны прафілактычныя гутаркі ў працоўных калектывах, арганізацыях на прадмет атрымання вадзіцельскага пасведчання адпаведнай катэгорыі, рэгістрацыі мотатранспарту, асноў правільнага бяспечнага кiравання і адказнасці ў выпадку парушэнняў ПДР вадзіцелямі двухколавых механічных транспартных сродкаў. Акрамя таго, створаны рэйдавыя групы з ліку супрацоўнікаў міліцыі грамадскай бяспекі сумесна з дружыннікамі па папярэджанні парушэнняў кіроўцамі мотатранспарту, спыненні грубых парушэнняў ПДР (стан ап'янення, «ліхачы», выяўленні канструктыўна змененых і незарэгістраваных ва ўстаноўленым парадку матацыклаў і іншых. транспартных сродкаў).
З пачатку бягучага года вартаўнікамі дарог выяўлена 333 парушэнні з боку кіроўцаў мотатранспарту, з якіх 15 – знаходзіліся ў стане ап'янення, 79 – не мелі права кіравання.
Паважаныя грамадзяне! У выпадку здзяйснення кіроўцамі мотатранспарту супрацьпраўных дзеянняў, у т.л. якія былі зафіксаваны аўтамабільнымі відэарэгістратарамі, просім неадкладна паведамляць на тэлефонную лінію 102!
Бяспека язды на матацыкле забяспечваецца, вядома, першым чынам кіроўчым майстэрствам, уменнем пазбягаць аварыйных сітуацый, здольнасцю адразу знайсці правільны вынахад, калі такая сітуацыя ўсё ж паўстала. ДАІ Пухавіцкага РАУС настойліва рэкамендуе вадзіцелям механічных двухколавых транспартных сродкаў выконваць Правілы дарожнага руху, жадае бяспечнага шляху і спадарожнага ветру!
АДАІ Пухавіцкага РАУС
