З 1 сакавіка 2022 года ў Белаграпрамбанку стартаваў прыём заявак для ўдзелу ў Рэспубліканскай конкурснай праграме ААТ «Белаграпрамбанк» «Стартап-марафон».

Конкурсная праграма - гэта цэлы комплекс мерапрыемстваў, накіраваных на развіццё і падтрымку стартап-руху і малога інавацыйнага прадпрымальніцтва ў краіне, у якім могуць узяць удзел як пачынаючыя ўладальнікі стартап-ідэі, так і дзейныя стартапы Беларусі.

Пазмагацца за грашовыя прызы і атрымаць экспертную падтрымку змогуць распрацоўшчыкі інавацыйных тэхналогій у наступных намінацыях:

• AgroTech (тэхналогіі ў сельскай гаспадарцы);
• Creative (лічбавыя тэхналогіі ў медыя, дызайне і культуры і інш.);
• Fintech (фінансавыя тэхналогіі, сэрвісы і электронная камерцыя);
• TechNet (перадавыя вытворчыя тэхналогіі).

Фармат правядзення Конкурснай праграмы прадугледжвае механізм трансфармацыі інавацыйных ідэй у практычна рэалізуемыя і паспяховыя бізнес-праекты з далейшай кааперацыяй з карпаратыўнымі кліентамі Белаграпрамбанка. Конкурсная праграма будзе праходзіць у 3 этапы.

У рамках адукацыйнага этапу каманды змогуць дэталёва прапрацаваць свае бізнес-ідэі, падрыхтаваць працоўную мадэль бізнес-праекта і распрацаваць бізнес-план. Тыя, хто справіцца з задачай, змогуць узяць удзел у акселерацыйным этапе, які арыентаваны на больш сталыя стартапы.

Акселерацыйны этап - гэта магчымасць прапрацоўкі элементаў бізнес-мадэлі для дасягнення фінансавай устойлівасці праекта, падрыхтоўка прэзентацыі праекта да ўдзелу ў фінальнай канферэнцыі пад кіраўніцтвам бізнес-трэкераў.

Фінальным этапам Стартап-марафону стане Рэспубліканскі «DemoDay», які дасць магчымасць прэзентаваць стартапы перад членамі экспертнага савета, партнёрамі, патэнцыйнымі інвестарамі і атрымаць інвестыцыі на далейшае развіццё стартапа.

Галоўны прыз Конкурснай праграмы – 4 гранты па 500 базавых велічыняў для пераможцаў у кожнай намінацыі. Акрамя таго, удзельнікі атрымаюць магчымасць экспертнай і фінансавай падтрымкі з боку партнёраў конкурснай праграмы.

Калі вы ўладальнік стартап-ідэі (стадыя Pre-Seed), распрацоўшчык інавацыйных тэхналогій (стадыя Seed) або дзеючы стартап (стадыя Alpha) удзельнічайце ў Конкурснай праграме «Стартап-марафон» і вы даведаецеся:

• Як правільна запусціць стартап!
• Бізнес-трэкеры дапамогуць вам правільна пабудаваць бізнес-мадэль і пралічыць эканамічную эфектыўнасць вашага прадукта!
• Вы зможаце прэзентаваць свае праекты інвестарам і атрымаць дадатковыя інвестыцыі!

Каб прыняць удзел у «Стартап-марафоне»:

1. Запампуйце і запоўніце заяўку на ўдзел у Конкурснай праграме.

2. Дашліце запоўненую заяўку на эл. адрас: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду.

3. Чакайце званка ад арганізатараў.

Падрабязнасці на старонцы конкурсу або па тэлефоне +375 29 608-23-07.