Сучасны свет складана ўявіць без электрацягнікоў і цягнікоў далёкага накіроўвання. Часта чыгуначныя пуці перасякаюць аўтадарогу. ДТЗ на такіх участках адны з самых цяжкіх. Для бяспечнага перасячэння чыгуначных пераездаў неабходна кіравацца правіламі дарожнага руху. У гэтым артыкуле падрабязна разбяром правілы і нюансы перасячэння пераездаў.

Правілы праезду чыгуначных пераездаў

Праязджаць праз чыгуначныя пуці дазваляецца толькі ў спецыяльна прызначаных месцах: чыгуначных пераездах. У іншых участках праезд забараняецца.

Чыгуначны пераезд падзяляецца на наступныя віды:

• рэгулюемы, – дзе ўсталяваны адна або некалькі папераджальных прылад (святлафор, шлагбаўм, гукавая сігналізацыя, кабіна дзяжурнага, металічны шчыт);
• нерэгулюемы, – дзе няма вышэйзгаданых папераджальных збудаванняў;
• агульнага карыстання, – дзе чыгуначныя шляхі агульнага карыстання перасякаюцца з аўтадарогамі агульнага карыстання;
• неагульнага карыстання, – дзе чыгуначнае палатно перасякаюцца з аўтадарогамі арганізацый розных форм уласнасці.

Кожны чыгуначны пераезд абазначаецца адпаведнымі папераджальным знакам і разметкай. У асноўным, пераезды без папераджальных прылад, такіх як шлагбаўм, размяшчаюцца за населенымі пунктамі. Набліжаючыся да ўчастка перасячэння аўтадарогі і чыгуначнага палатна перад кіроўцам з'явіцца дарожны знак «Чыгуначны пераезд без шлагбаўма». Ён прадстаўляе сабой малюнак цягніка ў чырвоным трыкутніку. Таксама побач паслядоўна размяшчаюцца знакі з трыма чырвонымі палосамі (150 м да пераезду), дзвюма палосамі (100 м да пераезду) і адной паласой (50 м да пераезду).

Паблізу 150 метраў ад чыгуначнага пераезду хуткасць руху неабходна паступова змяншаць. У гэтай зоне абгон дазваляецца. У 100 метрах ад пераезду абгон ужо забараняецца, паводле ПДР. На адлегласці 50 метраў ад пераезду абгон забаронены, таксама забаронены спыненне і стаянка транспартных сродкаў. Але важна разумець, што пры неабходнасці спыненне зрабіць можна. На ўчастку пераезду забаронены разварот, абгон, стаянка і прыпынак. Разварочвацца дапускаецца перад або за чыгуначнымі шляхамі.

Да пераезду размяшчаецца паказальнік, які паведамляе аб колькасці шляхоў (аднашляховая або шматшляховая чыгунка). Зыходзячы з гэтага варта абраць адпаведную адлегласць да аўтамабіля, які рухаецца наперадзе. Перад скрыжаваннем шляхоў абавязкова неабходна пераканацца ў адсутнасці насоўваемага чыгуначнага састава. Не рэкамендуецца праязджаць пераезд да таго моманту, пакуль наперадзе ідучае аўто не перасячэ шляхі поўнасцю.

Рэгулюемы пераезд са шлагбаўмам перасякаецца такім жа чынам, як і нерэгулюемы. Тут справа ідзе яшчэ прасцей: калі ўключаная гукавая сігналізацыя і шлагбаўм апушчаны – праезд забараняецца. Калі папераджальнае абсталяванне няспраўнае, дзяжурны рэгулюе пераезд самастойна, пры дапамозе рук або сцяжкоў.

Што забаронена пры руху праз чыгуначны пераезд

Правіламі дарожнага руху забараняецца:

1. Выязджаць на чыгуначны пераезд у сітуацыях:
   • затораў за пераездам, што пацягне за сабой вымушаны прыпынак;
   • уключанага чырвонага сігналу святлафора (у незалежнасці ад становішча шлагбаўма);
   • забараняльнага сігналу, які падае дзяжурны;
   • калі шлагбаўм апушчаны або апускаецца;
   • калі ў полі зроку з'яўляецца чыгуначны састаў;
2. Спрабаваць самастойна падняць шлагбаўм;
3. Абгон транспартных сродкаў, якія знаходзяцца перад пераездам;
4. Перамяшчэнне ціхаходных машын з хуткасцю меншай за 8 км/г, а таксама саней-валакуш (гэты варыянт магчымы пры атрыманні дазволу ад начальніка дыстанцыі шляху ж/д);
5. Правозіць машыны і механізмы, якія могуць якім-небудзь чынам перашкаджаць руху або пашкодзіць чыгуначную пуці і прылеглае абсталяванне (будаўнічыя, сельскагаспадарчыя машыны);
6. Перамяшчэнне транспартных сродкаў, якія складаюць больш за 4 метры ў вышыню (гэты варыянт магчымы пры атрыманні дазволу ад начальніка дыстанцыі электразабеспячэння БЧ).

У момант, калі скрыжаванне пераезду забаронена, кіроўцу неабходна спыніцца ў дарожнага паказальніка «Рух без прыпынку забаронены» або «Стоп-лінія». Калі такіх няма — перад святлафорам, а пры адсутнасці святлафора — не бліжэй за 5 метраў ад шлагбаўма. Калі няма шлагбаўма — каля паказальніка «Аднашляховая чыгунка» або «Шматшляховая чыгунка», пры адсутнасці іншых папераджальных прылад — не менш за 10 метраў ад чыгуначнага палатна.

Штраф за парушэнне правілаў праезду

Невыкананне ПДР цягне за сабой пакаранне ў выглядзе штрафу. На асобу, якая знаходзіцца за рулём, накладаецца штраф у памеры ад 2 да 4 базавай велічыні. Па стане на 1 студзеня 2022 года сума складае ад 64 да 128 беларускіх рублёў.

Аднак, калі Вы не спыніліся на чырвоны сігнал святлафора або парушылі іншым чынам правілы праезду і ў зоне бачнасці знаходзіцца цягнік, то гэта можа трактавацца як стварэнне аварыйнай абстаноўкі. У такім выпадку сума штрафу складзе ад 5 да 20 б.в. або пазбаўленне правоў да 2 гадоў.

Непрадбачаная сітуацыя

Па тэхнічных прычынах аўтамабіль можа заглухнуць проста на пераездзе. Тут важна не паддавацца паніцы, а прытрымлівацца пэўнага алгарытму дзеянняў.

У першую чаргу неабходна ўключыць аварыйную сігналізацыю і папрасіць усіх пасажыраў пакінуць салон, далей паспрабаваць вызваліць пераезд. Па магчымасці знайсці і папрасіць людзей прайсці 1000 м паралельна чыгуначным пуцям у два бакі для дачы сігналу прыпынку машыністу рухомага чыгуначнага саставу.

Кіроўца застаецца на месцы побач з аўтамабілем і падае сігнал агульнай трывогі. Пры набліжэнні чыгуначнага транспарту неабходна сігналізаваць аб спыненні кругавым рухам рукі.

Выконваючы гэтыя правілы, Вы гарантуеце бяспеку паездкі. Будзьце ўважлівыя і асцярожныя!

АДАІ Пухавіцкага РАУС