Пытанне: Куды і як звярнуцца застрахаванай асобе і страхавальніку, для атрымання інфармацыі аб выплачаных узносах на прафесійнае пенсійнае страхаванне і прафесійным стажы.

Адказ:

Інфармацыю аб налічаных і выплачаных узносах на прафесійнае пенсійнае страхаванне, а таксама аб прафесійным стажы, застрахаваная асоба можа атрымаць у страхавальніка (падп. 2.5 п. 2 арт. 19 Закона Рэспублікі Беларусь ад 5 студзеня 2008 года «Аб прафесійным пенсійным страхаванні»).

Акрамя таго, каб даведацца інфармацыю аб бягучым стане спецыяльнай часткі індывідуальнага асабовага рахунка, застрахаваная асоба мае права звярнуцца ў любы раённы аддзел Фонду сацыяльнай абароны насельніцтва з заявай устаноўленага ўзору, з прад'яўленнем страхавога пасведчання дзяржаўнага сацыяльнага страхавання і дакумента, які сведчыць асобу (п. 4 Парадка прадастаўлення інфармацыі застрахаванай асобе і страхавальніку, зацверджанага пастановай праўлення Фонду сацыяльнай абароны насельніцтва Міністэрства працы і сацыяльнай абароны Рэспублікі Беларусь ад 29 снежня 2009 г. N 18 (далей - Парадак)).

Раённы аддзел Фонду, які прыняў заяву застрахаванай асобы, выдае ёй інфармацыю, якая змяшчаецца ў прафесійнай частцы індывідуальнага асабовага рахунка, бясплатна на працягу 10 працоўных дзён з дня прыёму заявы застрахаванай асобы.

Спосаб атрымання адказу магчымы ў двух варыянтах: асабіста або заказным лістом, накіраваным па адрасе, указаным у заяве (ч. 2 п. 5 Парадка).

Каб даведацца інфармацыю аб паступіўшых унёсках на прафесійнае пенсійнае страхаванне і прафесійным стажы застрахаванай асобы, страхавальнік падае заяву па месцы пастаноўкі яе на ўлік у якасці плацельшчыка ўзносаў на дзяржаўнае сацыяльнае страхаванне адзін раз у дзень у электронным фармаце, да якога прыкладаецца заява страхавальніка на папяровым носьбіце па ўстаноўленай форме (п. 6 Парадка).

Раённы аддзел Фонду, які прыняў заяву страхавальніка, выдае яму патрэбную інфармацыю аб паступіўшых узносах на прафесійнае пенсійнае страхаванне і прафесійным стажы застрахаваных асоб на працягу дзесяці працоўных дзён з дня прыёму заявы страхавальніка (п. 8 Парадка).

Пухавіцкі раённы аддзел

Мінскага абласнога ўпраўлення

Фонду сацыяльнай абароны насельніцтва

Міністэрствы працы і сацыяльнай абароны

Рэспублікі Беларусь