Для павышэння ўзроўню бяспекі насельніцтва і ацэнкі гатоўнасці тэрыторый да асенне-зімовага пажаранебяспечнага перыяду з 18 па 29 кастрычніка 2021 года праводзіцца рэспубліканская акцыя па папярэджанні пажараў і гібелі людзей ад іх у жыллёвым фондзе «За бяспеку - разам».
У ходзе акцыі работнікі Пухавіцкага РАНС сумесна з зацікаўленымі службамі праінфармуюць насельніцтва аб стане пажарнай бяспекі на тэрыторыі раёна, растлумачаць грамадзянам наступствы невыканання правілаў пажарнай бяспекі, пакідання дзяцей без нагляду і злоўжывання спіртнымі напоямі.
Галоўнай мэтай акцыі з'яўляецца зніжэнне колькасці пажараў, якія адбываюцца па прычыне невыканання грамадзянамі правілаў пажарнай бяспекі ў жылых будынках і збудаваннях, населеных пунктах і тэрыторыях, а таксама ўмацаванне правапарадку і папярэджанне правапарушэнняў, учыненых грамадзянамі ў стане алкагольнага ап'янення.
Таксама, работнікі Пухавіцкага РАНС прадастаўляюць грамадзянам магчымасць правядзення абследавання супрацьпажарнага стану домаўладанняў (кватэр) па заяўках. Падрабязную інфармацыю можна атрымаць па тэлефонах 6-03-37 або 101.