Падчас запланаваных мерапрыемстваў на адпаведнай радыётэлевізійнай перадаючай станцыі ў зоне яе ахопу будзе адсутнічаць прыём тэлепраграм абавязковага агульнадаступнага пакета і камерцыйнага эфірнага лічбавага ТБ у працоўны час з 09.00 да 17.00. Пры датэрміновым завяршэнні работ трансляцыя тэлевізійных праграм будзе адноўлена раней вызначанага часу. Графік правядзення работ даступны на сайце beltelecom.by
Па завяршэнні работ зменяцца радыёчастотныя каналы, на якіх транслююцца ў эфір тэлевізійныя каналы. 28 кастрычніка бягучага года частотны канал 51 (714) радыёперадаючай станцыі Магілёўскай вобласці, АРТПС Асіповічы зменіць сваю частату на 39 (618) у Пухавіцкім раёне. Таксама 28 кастрычніка бягучага года частотны канал 51 (714) радыёперадаючай станцыі Мінскай вобласці, АРТПС Дрычын зменіць сваю частату на 39 (618) у Пухавіцкім раёне.
Карыстальнікам бясплатнага агульнадаступнага пакета тэлепраграм патрабуецца вырабіць наладу тэлеканалаў паводле інструкцыі (кіраўніцтва карыстальніка) да вашага тэлевізійнага прыёмнiка або вашай тэлевізійнай прыстаўкi.