Аналіз аварыйнасці на аўтадарогах Пухавіцкага раёна сведчыць аб тым, што праблема недастатковага ўзроўню дысцыплінаванасці веласіпедыстаў, вадзіцеляў матацыклаў і мапедаў (скутэраў) па-ранейшаму застаецца актуальнай і нярэдка з'яўляецца прычынай альбо спадарожным фактарам здзяйснення дарожна-транспартных здарэнняў.
Праверкі па фактах ДТЗ паказалі, што адным з асноўных фактараў, якія аказваюць уплыў на цяжар наступстваў, з'яўляецца адсутнасць вадзіцельскіх правоў у матацыклістаў, зухаватасць і перавышэнне хуткасці, кіраванне МС у стане ап'янення, а таксама невыкананне патрабаванняў аб выкарыстанні моташлемаў.
І ніжэйпрыведзены прыклад, таму пацвярджэнне:
26.05.2021 каля 18.20 гадзін у в. Першы Май Пухавіцкага раёна, мясцовы жыхар 1993 г.н., не маючы права кіравання транспартным сродкам (в/п не атрымліваў), кіруючы мапедам «Navigator» у стане алкагольнага ап'янення, пры ажыццяўленні манеўру левага павароту не пераканаўся ў бяспецы дарожнага руху спадарожных транспартных сродкаў, у выніку чаго сутыкнуўся з рухомым спадарожным транспартным сродкам. У выніку ДТЗ вадзіцель мапеда атрымаў цялесныя пашкоджанні. Таксама вядома, што дадзены правапарушальнік кіраваў мапедам без моташлема.
З мэтай прафілактыкі ДТЗ з удзелам мотатранспарту, мінімізацыі негатыўных праяў у сферы забеспячэння дарожнай бяспекі, папярэджання фактаў агрэсіўнага кіравання, зніжэння рызык здзяйснення ДТЗ з удзелам і па віне вадзіцеляў двухколавых транспартных сродкаў c 28 па 30 верасня г.г. на тэрыторыі Пухавіцкага раёна Дзяржаўтаінспекцыя праводзіць прафілактычную акцыю пад дэвізам: «Колаў менш - небяспекі больш!».
У перыяд акцыі арганізаваны сустрэчы з кіраўнікамі мотаклуба, кіроўцамі мотатранспарту, дзе вартавыя дарог праводзяць шырокую прафілактычную працу, прыводзячы прыклады аварый і фота з месцаў ДТЗ з удзелам матацыклістаў і растлумачэннем наступстваў і прычын названых здарэнняў.
Дзяржаўтаінспектары сумесна з участковымі інспектарамі міліцыі, інспектарамі па справах непаўналетніх АУС, добраахвотнымі дружыннікамі і карэспандэнтамі СМІ ажыццяўляюць рэйдавыя групы па спыненні грубых парушэнняў ПДР кіроўцамі двухколавых транспартных сродкаў, такіх як - нецвярозы стан, кіраванне транспартнымі сродкамі, не маючы на гэта права, зухаватасць, а таксама выяўленню канструктыўна змененых і незарэгістраваных ва ўстаноўленым парадку матацыклаў і іншых механічных двухколавых транспартных сродкаў. Маршруты патрулявання нарадаў міліцыі набліжаны да месцаў найбольш верагоднага перамяшчэння названай катэгорыі ўдзельнікаў дарожнага руху.
Да ўвагі вадзіцеляў! Рух на мотатранспарты на адным коле, а таксама, калі вадзіцель не трымаецца за руль ці ж не трымае ногі на падножках - цягне накладанне штрафу ў памеры ад 5 да 10 базавых велічынь з пазбаўленнем права кіравання ТС тэрмінам да 6 месяцаў або без пазбаўлення.
Таксама, дзеянні кіроўцы, якія вымусілі іншых удзельнікаў дарожнага руху змяняць хуткасць, кірунак ці прымаць іншыя меры па забеспячэнню бяспекі руху пагражае накладаннем штрафу ад 5 да 20 базавых велічынь з пазбаўленнем кіравання ТС да 2-х гадоў або без такога пазбаўлення.
Дзяржаўтаінспекцыя нагадвае!
Артыкул 18.15. Кіраванне транспартным сродкам асобай, якая знаходзіцца ў стане ап'янення, перадача кіравання транспартным сродкам такой асобе або адмова ад праходжання праверкі (агляду)
- Кіраванне транспартным сродкам асобай, якая знаходзіцца ў стане алкагольнага ап'янення, пры наяўнасці абсалютнага этылавага спірту ў крыві ці выдыхаемым паветры ў канцэнтрацыі да 0,8 праміле ўключна або наяўнасці пароў абсалютнага этылавага спірту ў канцэнтрацыі да 380 мікраграмаў на адзін літр выдыхаемага паветра ўключна -
цягне накладанне штрафу ў памеры ста базавых велічынь з пазбаўленнем права займацца пэўнай дзейнасцю тэрмінам на тры гады.
- Кіраванне транспартным сродкам асобай, якая знаходзіцца ў стане алкагольнага ап'янення пры наяўнасці абсалютнага этылавага спірту ў крыві ці выдыханемым паветры ў канцэнтрацыі звыш 0,8 праміле або наяўнасці пароў абсалютнага этылавага спірту ў канцэнтрацыі звыш 380 мікраграмаў на адзін літр выдыхаемага паветра або ў стане, выкліканым ужываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, а таксама адмова ад праходжання ва ўстаноўленым парадку праверкi (агляду) на прадмет вызначэння стану алкагольнага ап'янення або стану, выкліканага ўжываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, -
цягнуць накладанне штрафу ў памеры двухсот базавых велічынь з пазбаўленнем права займацца пэўнай дзейнасцю тэрмінам на пяць гадоў.
- Перадача кіравання транспартным сродкам асобе, якая знаходзiцца ў стане алкагольнага ап'янення або стане, выкліканым ужываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, -
цягне накладанне штрафу ў памеры ад пяцідзесяці да ста базавых велічынь з пазбаўленнем права займацца пэўнай дзейнасцю тэрмінам на тры гады.
- Ужыванне кіроўцам алкагольных, слабаалкагольных напояў ці піва, наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў пасля падачы супрацоўнікам органаў унутраных спраў сігналу аб спыненні транспартнага сродку альбо пасля здзяйснення дарожна-транспартнага здарэння, удзельнікам якога ён з'яўляецца, да праходжання праверкі (агляду) на прадмет вызначэння стану алкагольнага ап'янення або стану, выкліканага ўжываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, -
цягне накладанне штрафу ў памеры двухсот базавых велічынь з пазбаўленнем права займацца пэўнай дзейнасцю тэрмінам на пяць гадоў.
Артыкул 18.14. Кіраванне транспартным сродкам асобай, якая не мае права кіравання гэтым сродкам, а роўна перадача кіравання транспартным сродкам асобе, які не мае права кіравання, прадугледжаны штраф у памеры ад 5 да 20 БВ. Тыя ж дзеянні, учыненыя паўторна на працягу года цягнуць накладанне штрафу ад 20 да 50 БВ (арт.18.19 КоАП Рэспублікі Беларусь).
Частка 1 Артыкул 18.20 Парушэнне правілаў дарожнага руху асобай, якая кіравала роварам.
цягне папярэджанне або накладанне штрафу ў памеры ад 1 да 3БВ.
Каб пазбегнуць дарожна-транспартных здарэнняў аддзел ДАІ Пухавіцкага раёна настойліва рэкамендуе кіроўцам механічных двухколавых транспартных сродкаў выконваць Правілы дарожнага руху і быць як мага больш уважлівымі на дарозе!
Таксама, ДАІ звяртаецца да грамадзян і просіць спыняць спробы кіравання матацыкламі, мапедамі, скутэрамі людзьмі без права кіравання, у стане ап'янення, калі не ўдаецца гэта зрабіць сваімі сіламі - тэлефануйце і паведамляйце на тэлефонную лінію 102!
АДАІ Пухавіцкага РАУС
