Па-ранейшаму застаецца высокай удзельная вага аўтааварый з удзелам пешаходаў. Асноўнай з прычын дарожна-транспартных здарэнняў з гэтай катэгорыяй з'яўляецца ігнараванне самімі пешаходамі Правілаў дарожнага руху, а таксама адсутнасць у цёмны час сутак святлоадбівальных элементаў на адзенні пешых удзельнікаў.
Многія пешаходы не хочуць разумець, што кіроўца не ў сілах імгненна спыніць свой аўтамабіль, каб пазбегнуць наезду. У цёмны час сутак пешаходы становяцца найбольш уразлівымі. Кіроўцам варта быць вельмі засяроджанымі пры праездзе па слаба асветленых або неасветленых участках дарог паблізу населеных пунктаў. Менавіта там найбольш высокая верагоднасць з'яўлення на праезнай частцы пешаходаў. Кіроўца павінен быць гатовы да любых нечаканасцяў з боку пешаходаў - хаджэнне па дарогах у стане алкагольнага ап'янення, пераход праезнай часткі ў неўстаноўленым месцы, непадпарадкаванне сігналам рэгулявання дарожнага руху.
Найбольшы ўзровень пешаходнага траўматызму адзначаецца ў асенне-зімовы перыяд і доля аварый з удзелам пешаходаў дасягае 60-70% ад усіх ДТЗ. Такое становішча абумоўлена тым, што ў гэты час года кароткі светлавы дзень. Пры руху ў цемры па неасветленых дарогах вадзіцель бачыць толькі тую частку дарогі, якая асветлена фарамі аўтамабіля. Пры гэтым успрыманне вокам светлавых кантрастаў становіцца горш, чым пры дзённым святле, і цяжэй заўважыць пешаходаў, веласіпедыстаў і конны транспарт. Ужо ў ранніх прыцемках выразна бачныя днём прадметы блякнуць, а пасля заходу сонца становяцца ледзь адрознымі. А ў неспрыяльных умовах надвор'я невыразная фігура чалавека цалкам зліваецца з цемрай, і з месца кіроўцы становіцца практычна нябачнай.
Сітуацыя ўскладняецца яшчэ і тым, што пешаходы, як правіла, думаюць, што той, хто за рулём, іх ужо заўважыў. Праводзімы Дзяржаўтаінспекцыяй следчы эксперымент дазволіў усталяваць, што ў цемры з салона аўтамабіля чалавек у цёмнай вопратцы пры блізкім святле фар адрозны толькі на адлегласці 25-30 м. Пры хуткасці 60 км/ч за адну секунду аўтамабіль праязджае каля 17 метраў. За гэты час кіроўца толькі паспее зразумець, што ці хто перад ім. Затармазіць або ўдала зманеўраваць не заўсёды бывае і магчыма, у тым ліку з-за хуткасці, стану дарожнага пакрыцця, наяўнасці іншых перашкод. Таму ўзнікае істотная неабходнасць зрабіць пешаходаў, веласіпедыстаў, конныя падводы, калыскі і іншае як мага больш прыкметнымі, для павелічэння адлегласці з моманту выяўлення. Для гэтых мэт шырока выкарыстоўваюцца спецыяльныя святлоадбівальныя аксэсуары (значкі, падвескі, стужкі).
Правілы дарожнага руху абавязваюць пешахода пры руху па краі праезнай часткі дарогі ў цёмны час сутак абазначыць сябе святлоадбівальнымі элементамі (п.17.1 ПДР).
За 8 месяцаў г.г. на тэрыторыі Мінскай вобласці зарэгістравана 97 аварый з удзелам пешаходаў, у якіх 24 чалавекі загінулі і 77 траўмаваны. 40 ДТЗ адбыліся па віне пешаходаў. Практычна ўсе аўтааварыі, дзе вінаваты пешаходы, скончыліся трагічна. У асноўным аўтааварыі са смяротным зыходам адбыліся ў цёмны час сутак. На вопратцы пешых удзельнікаў дарожнага руху святлоадбівальныя элементы адсутнічалі.
Усяго ж з пачатку года (па стане на 21.09.2021) да адміністрацыйнай адказнасці па арт.18.20 КоАП Рэспублікі Беларусь прыцягнута 20 469 пешаходаў, веласіпедыстаў, возчыкаў коннага транспарту і іншых асоб, якія ўдзельнічаюць у дарожным руху і не кіруюць транспартным сродкам, з якіх у стане ап'янення знаходзіліся - 5 230 парушальнікаў і 8 347 - не былі пазначаны святлоадбіўнымі элементамі.
Так, 21 жніўня каля 3 гадзін ночы на 86 км. аўтадарогі М-3 «Мінск-Віцебск» паблізу в. Лiтвiчы Лагойскага р-на, 38-гадовы мінчанін, кіруючы аўтамашынай Мэрсэдэс-Бенц, рухаючыся з боку г.Віцебска ў напрамку г. Мінска, здзейсніў наезд на ішоўшага адначасна ў паласе руху 42 -гадовага пешахода, жыхара сталіцы. У выніку ДТЗ пешаход ад атрыманых траўм памёр на месцы ДТЗ. Устаноўлена, што пешаход святлоадбіўнымі элементамі не абазначаны. Лагойскім РАСК узбуджана крымінальная справа па ч.2 арт.317 КК РБ.
12 верасня каля 22.30 гадзін на 70-м км. аўтадарогі М-6 «Мінск-Гродна» паблізу в.Бабровiчы, мінчанін, кіруючы аўтамабілем «Аудзi- А3», рухаючыся ў крайняй левай паласе ў напрамку г.Мінска, здзейсніў наезд на 51-гадовага жыхара Маладзечанскага раёна, які рухаўся адначасна аўтамашыне. Пешаход загінуў на месцы ДТЗ. Святлоадбіўнымі элементамі ён пазначаны не быў.
Асаблівую небяспеку на праезнай частцы ці зблізку яе ствараюць п'яныя пешаходы. Яны паводзяць сябе нелагічна, неасцярожна, а часам і агрэсіўна. Паводзіны п'янага немагчыма прадбачыць, таму вадзіцель павінен неадкладна прыняць неабходныя меры засцярогі: спыніцца, аб'ехаць п'янага на такой адлегласці, каб той не змог натыкнуцца на аўтамабіль. Маюць месца выпадкі, калі нецвярозыя пешаходы выбіраюць для свайго адпачынку праезную частку, такія аварыі заканчваюцца цяжкімі наступствамі.
Так, 21 жніўня каля 22.00 гадзін на 1 км. аўтадарогі «Пад'езд да в.Мiханавiчы ад аўтадарогі Асееўка-Міханавічы» тэрыторыі Мінскага раёна, 21 гадовы жыхар Мінскага р-на, кіруючы а/м БМВ 520, рухаючыся з боку в. Міханавічы ў кірунку п. Міханавічы, пры ўзнікненні перашкоды ў выглядзе знаходзіўшагася на праезнай частцы веласіпедыста, звярнуўся да экстранага тармажэння, выехаў на паласу сустрэчнага руху, дзе дапусціў некіравальны занос з наступным наездам на ішоўшага ў сустрэчным напрамку па праезнай частцы 44-гадовага пешахода, жыхара в. Міханавічы, пасля чаго з'ехаў у левы па ходзе руху кювет і перакуліўся. У выніку ДТЗ пешаход атрымаў траўмы і шпіталізаваны. Устаноўлена, што пешаход СВЭ не абазначаны і знаходзіўся ў нецвярозым стане.
11 верасня каля 21.00 гадзін на 13-м км. аўтадарогі «Асавец-Радашковічы» Маладзечанскага раёна, 40-гадовы жыхар Маладзечанскага раёна, кіруючы аўтамабілем Форд-Мандэа, рухаючыся ў напрамку п.Чысць, здзейсніў наезд на ляжачага на праезнай частцы 31-гадовага пешахода, жыхара Брэсцкай вобласці. Пешаход з траўмамі шпіталізаваны. Устаноўлена, што ён знаходзіўся ў нецвярозым стане.
У мэтах стабілізацыі становішча ў сферы бяспекі дарожнага руху, а таксама ў сувязі са скарачэннем светлавога дня і павелічэннем рызык здзяйснення ДТЗ з удзелам пешаходаў, з 24 верасня па 3 кастрычніка 2021 года Дзяржаўтаінспекцыя Мінскай вобласці праводзіць рэспубліканскую прафілактычную акцыю «Пешаход!». У першы дзень прафілактычнай акцыі (24.09.2021) пройдзе адзіны Дзень бяспекі дарожнага руху пад дэвізам «Паклапаціся пра бяспеку! Стань прыкметным на дарозе!».
Акцыя накіравана на папярэджанне дарожна-транспартных здарэнняў з удзелам пешаходаў і веласіпедыстаў, прапаганду неабходнага выкарыстання флікераў і камізэлек павышанай бачнасці ў цёмны час сутак.
У ходзе акцыі будуць арганізаваны рэйдавыя мерапрыемствы з прыцягненнем максімальнай колькасці супрацоўнікаў міліцыі грамадскай бяспекі і іншых зацікаўленых асоб па штодзённай адпрацоўцы ў «гадзіны пік» і ў цёмны час сутак нерэгулюемых пешаходных пераходаў, участкаў аўтамабільных дарог, вуліц населеных пунктаў, найбольш схільных рызыцы здзяйснення наездаў на пешаходаў і веласіпедыстаў.
Што тычыцца адказнасці пешаходаў згодна Кодэкса аб адміністрацыйных правапарушэннях Рэспублікі Беларусь, то яна такая:
- у дачыненні да пешахода, які ў цёмны час сутак рухаецца па праезнай частцы, не пазначыўшы сябе флікерам, веласіпедыста і возчыка коннага транспарту, якія парушылі ПДР, прымяняюцца штрафныя санкцыі ў памеры ад 1 да 3 базавых велічынь ці папярэджанне. Калі парушэнне імі Правіл дарожнага руху пацягнула стварэнне аварыйнай сітуацыі, то памер штрафу складае ад 3 да 8 базавых велічынь. На суму ад 3 да 5 базавых велічынь штрафуецца пешаход, калі ён знаходзіцца на дарозе ў стане алкагольнага ап'янення. У выпадку калі парушэнне Правілаў дарожнага руху пацягнула прычыненне пацярпеламу лёгкага цялеснага пашкоджання, а роўна пакіданне месца ДТЗ, удзельнікамі якога яны (пешаходы, веласіпедысты, возчыкі коннага транспарту) з'яўляюцца, вінаваты падвяргаецца штрафу ад 5 да 20 базавых велічынь.
Катэгорыя веласіпедыстаў таксама ўваходзіць у групу рызыкі, калі яны не пазначаны святлоадбіўнымі элементамі. Па віне веласіпедыстаў за 8 месяцаў г.г. на тэрыторыі Мінскай вобласці адбылося 21 ДТЗ, у якіх 2 чалавекі загінулі, 19 - атрымалі траўмы.
Нагадваем, веласіпедыстам неабходна абсталяваць свае ровары фарамі (ліхтарамі), выпраменьваючымi спераду белы свет, ззаду - чырвоны, і памятаць, што па праезнай частцы дарогі веласіпедысту можна рухацца не далей за 1 метр ад яе правага краю.
Праблемай таксама застаюцца наезды на пешаходаў на нерэгуляваных пешаходных пераходах. Нягледзячы на тое, што пры гэтым відавочна віна кіроўцаў, якія парушаюць патрабаванні правілаў праезду нерэгулюемых пешаходных пераходаў, тут бачыцца і асабістая бестурботнасць пешаходаў.
Маючы перавагу, пешаход абавязаны быць вельмі уважлівым, асцярожным, не адцягвацца пры пераходзе праезнай часткі і сваімі дзеяннямі не ствараць перашкоды для руху транспартных сродкаў. Што ж тычыцца абавязкаў кіроўцы - пры пад'ездзе да пешаходнага перахода кіроўца павінен знізіць хуткасць, аж да спынення транспартнага сродку, каб саступіць дарогу пешаходам. Калі перад пешаходным пераходам спыніўся, стаіць ці замарудзіў рух транспартны сродак, то вадзіцелі іншых транспартных сродкаў, якія рухаюцца па суседніх палосах руху ў спадарожным напрамку, павінны знізіць хуткасць руху і пры наяўнасці пешаходаў саступіць ім дарогу. З-за парушэння вадзіцелямі правілаў праезду пешаходных пераходаў не рэдка адбываюцца ДТЗ.
Так, 11 верасня ў першай гадзіне ночы на 140 км. аўтадарогі Мінск-Мікашэвічы ў г.п.Старобiн Салігорскага раёна 19-гадовы жыхар г. Лунінец Брэсцкай вобласці, кіруючы аўтамабілем Форд-Мандэа здзейсніў наезд на 35-гадовага пешахода, які пераходзіў дарогу па нерэгуляваным пешаходным пераходзе. Пешаход з сур'ёзнымі траўмамі шпіталізаваны.
14 верасня прыкладна ў 12.00 гадзін у в.Бараўляны Мінскага раёна 71-гадовая жыхарка Мінскага раёна, кіруючы аўтамабілем «Suzuki Jimny», пры павароце налева, здзейсніла наезд на 3-х гадовага мясцовага жыхара. Хлопчык пераходзіў дарогу па пешаходным пераходзе з бабуляй. Маляня з сур'ёзнымі траўмамі шпіталізаваны. Бабуля не пацярпела. Па факце ДТЗ распачата крымінальная справа па арт.317 ч.2 КК Рэспублікі Беларусь.
Згодна з артыкула 18.13 ч.7 КоАП Рэспублікі Беларусь, за непрадастаўленне асобай, якая кіравала транспартным сродкам, перавагі ў руху пешаходам надыходзіць адміністрацыйная адказнасць у выглядзе штрафу ў памеры ад 1 да 5 базавых велічынь. За паўторныя ж такія дзеянні, згодна з арт.18.13 ч.14 КоАП Рэспублікі Беларусь, на працягу года пасля накладання адміністрацыйнага спагнання, вадзіцелі заплацяць штраф у памеры ад 2 да 8 базавых велічынь.
Дзяржаўтаінспекцыя настойліва рэкамендуе вадзіцелям не перавышаць хуткасць, вытрымліваць дыстанцыю, быць вельмі ўважлівымі, асабліва паблізу населеных пунктаў, дзе ў любы час на дарозе можа апынуцца пешаход.
Пешаходам праяўляць асцярожнасць і ўважлівасць у дарожным руху, асабліва пры пераходзе нерэгулюемых пешаходных пераходаў. І такім важным элементам бяспекі ў цёмны час сутак як флікер - не варта грэбаваць!
Таксама звяртаем увагу і бацькоў на неабходнасць абазначэння святлоадбіўнымі элементамі юных удзельнікаў дарожнага руху! Флікеры павінны быць як на вопратцы, так і на школьнай сумцы дзіцяці!
Паважаныя ўдзельнікі дарожнага руху! Калі вы бачыце паблізу праезнай часткі пешахода або веласіпедыста, які знаходзіцца ў стане алкагольнага ап'янення, відавочна прадстаўляючага небяспеку для руху, просім вас неадкладна паведаміць на тэлефонную лінію 102.
АДАІ Пухавіцкага РАУС
