Пад такім дэвізам 24 верасня, у мэтах прапаганды выкарыстання флікераў і камізэлек павышанай бачнасці пешаходамі, веласіпедыстамі, возчыкамi коннага транспарту, на тэрыторыі Мінскай вобласці Пухавіцкага раёна пройдзе Адзіны дзень бяспекі дарожнага руху.
Праблема дарожна-транспартных здарэнняў з удзелам пешаходаў, веласіпедыстаў і возчыкаў коннага транспарту асабліва абвастраецца ў восеньскі перыяд. Увосень змярканне наступае значна раней і, як паказвае статыстыка, менавіта ў гэты перыяд на дарогах павялічваецца колькасць наездаў на дадзеную катэгорыю ўдзельнікаў дарожнага руху. Як правіла, большасць з іх адбываецца ў вячэрні і начны час, ва ўмовах недастатковай бачнасці.
Асноўнымі прычынамі наездаў па-ранейшаму застаецца ігнараванне элементарных мер бяспекі. Таксама пешаходы перасякаюць праезную частку ва неўстаноўленых месцах, знаходзяцца аматары перабегчы дарогу на забараняльны сігнал святлафора, а асобныя пешаходы, не задумваючыся пра ўласнае жыццё, як «цені» выходзяць на цёмную дарогу.
У прыцемках, без святлоадбіўных элементаў пешаходы застаюцца незаўважанымі, бо цёмны час сутак значна зніжае здольнасць вадзіцеля ацэньваць сітуацыю і прымаць адэкватныя рашэнні. Спадзяючыся на гарадское асвятленне і святло фар аўтамабіляў, грамадзяне смела пераходзяць дарогу, нават не задумваючыся, што кіроўца ўбачыць іх у лепшым выпадку толькі за 15-20 метраў.
Хочацца нагадаць і веласіпедыстам пра тое, што згодна з ПДР пры руху ў цёмны час сутак і пры недастатковай бачнасці на веласіпедзе павінны быць уключаны: спераду - ліхтар, які выпраменьвае белае святло, ззаду - ліхтар, які выпраменьвае чырвонае святло.
Дзяржаўтаінспекцыя настойліва рэкамендуе аматарам гэтага віду транспарту не грэбаваць асабістай бяспекай і пазначыць самога сябе святлоадбівальнымi камізэлькамi.
Для таго, каб мінімізаваць колькасць аварый з удзелам велатранспарту, і веласіпедыстам, і вадзіцелям аўтатранспарту неабходна строга выконваць ПДР і з павагай ставіцца да іншых удзельнікаў дарожнага руху.
Возчыкi коннага транспарту, таксама як пешаходы і веласіпедысты, часцяком ставяць пад удар сваё жыццё і здароўе, не жадаючы зрабіць свой транспарт і сябе бачнымі.
Возчыкам важна быць бачным на дарозе, і ў цёмны час сутак у абавязковым парадку выкарыстоўваць святлоадбівальныя павязкі, але лепшы варыянт - апранаць святлоадбівальную камізэльку.
На гужавым транспартным сродку, гэтак жа, як і на ровары - спераду павінен быць уключаны ліхтар, які выпраменьвае белае святло, ззаду - ліхтар, які выпраменьвае чырвонае святло. Аднак не ўсе ўладальнікі «коннай тэхнікі» гэтаму патрабаванню ПДР надаюць належнае значэнне. А за ўсім гэтым чалавечыя жыцці, зламаныя лёсы людзей.
Грэбаванне простымі мерамі бяспекі з боку самых уразлівых удзельнікаў руху прыводзіць да вельмі цяжкіх наступстваў. Менавіта таму кожны з нас не толькі павінен усведамляць ўсю небяспекі, якую ўтойвае ў сабе дарога, але і выконваць Правілы і сам клапаціцца пра сваю бяспеку.
Выкарыстоўваючы на практыцы такія якасці, як ветлівасць, павага адзін аднаго і ўвага, кіроўцу і ўразлівым удзельнікам дарожнага руху значна лягчэй узаемадзейнічаць на дарозе і, што самае галоўнае, яны не толькі дапамагаюць пазбегнуць канфлікту на дарозе, але і папярэджваюць дарожна-транспартныя здарэннi.
Будзем спадзявацца, што захаванне ўсіх гэтых нескладаных правіл бяспекі зберажэ Вас ад непрыемнасцяў на дарозе.
Не варта забываць аб адміністрацыйнай адказнасці. За пераход праезнай часткі па-за пешаходным пераходам або за невыкарыстанне святлоадбіўных элементаў у цёмны час сутак прадугледжаны штраф у памеры ад 1 да 3-х базавых велічы. Для нецвярозых парушальнікаў штраф складае ад 3-х да 5-ці базавых велічынь.
Калі вы заўважылі на праезнай частцы нецвярозага кіроўцу, пешахода, веласіпедыста або возчыка коннага транспарту - не будзьце абыякавымі! Паводзіны п'янага на дарозе непрадказальны. У вашых сілах прадухіліць трагедыю. Своечасова паведаміце ў міліцыю па тэлефоне 102 пра знаходжанне нецвярозага ўдзельніка дарожнага руху на дарозе. Магчыма, гэты званок уратуе чыёсці жыццё!
АДАІ Пухавіцкага РАУС
