Часцяком першым пытаннем для грамадзяніна, які прыйшоў да новага наймальніка працаўладкоўвацца, з'яўляецца - «які ў мяне будзе памер зарплаты?».
Наймальнік можа адказаць: «Давай ты папрацуеш пару месяцаў без афармлення, а затым мы ўжо дамовімся».
На жаль, давяраючыся такім наймальнікам, мы падвяргаемся самападману. Не дапускайце гэтай памылкі!
Атрымліваючы «шэрую зарплату» вы рызыкуеце: працоўным стажам, правам на працоўны адпачынак, аплатай «бальнічнага» і інымі гарантыямі, а таксама кампенсацыяй у выпадку атрымання вытворчай траўмы.
Працаўладкоўваючыся на працу, у першую чаргу работнік і наймальнік абавязаны заключыць пісьмовы працоўны дагавор, асобнікі якога павінны захоўвацца як у работніка, так і ў наймальніка. За парушэнне ўстаноўленага парадку прыёму на працу наймальнік нясе адміністрацыйную адказнасць у выглядзе штрафу ў памеры да 20 базавых велічынь.
У мэтах спынення дзейнасці нядобрасумленных наймальнікаў Дэпартамент дзяржаўнай інспекцыі працы праводзіць «гарачую тэлефонную лінію».Жыхары краіны могуць інфармаваць аб выплаце заработнай платы «ў канвертах», а таксама аб выкананні работ без належнага пісьмовага афармлення. Званкі будуць прымацца ў буднія дні з 8.00 да 13.00 па тэлефоне 8-017-306-41-23.
Не чакай абароны па факце! Атрымаўшы шматразовую адмову ад работнікаў у працы без афармлення і атрыманні «шэрай зарплаты», наймальнік перастане прапаноўваць працаваць па шэрых схемах.