Дзяржаўтаінспекцыя папярэджвае, што ў перыяд акцыі «Хуткасць» да «парушальнікаў-ліхачоў» будуць прымяняцца меры адміністрацыйнага спагнання ў адпаведнасці з дзеючым заканадаўствам.

На кожнай аўтадарозе ёсць свае, так званыя, аварыйныя пункты - месцы канцэнтрацыі ДТЗ. У дадзеных месцах выстаўлены дарожныя знакі, паніжаючыя максімальную хуткасць і папярэджваючыя кіроўцаў аб небяспечным участку. Але недысцыплінаванасць некаторых кіроўцаў, зухаватасць і няправільна выбраная хуткасць становяцца прычынамі з'ездаў у кювет, перакульванняў, сустрэчных сутыкненняў. Усе аварыі па прычыне перавышэння хуткасці характарызуюцца цяжкімі наступствамі.

Прычыны дадзенага роду здарэнняў крыюцца ў недысцыплінаванасці, у адсутнасці разумення і ўзаемнай павагі паміж удзельнікамі руху. Кіроўца-ліхач, як паказала практыка, рана ці позна трапляе ў здарэнне. Менавіта такія кіроўцы становяцца асноўнымі віноўнікамі сустрэчных сутыкненняў, перакульванняў, з'ездаў у кювет і наездаў на перашкода.

І да ведама парушальнікаў!

Згодна з арт. 18.12 КоАП Рэспублікі Беларусь, за перавышэнне хуткасці ад 10 да 20 км/г штраф складзе да 1 б.в., ад 20 да 30 км/г - 1-3 б.в., 30 і больш км/г - ад 3-10 б.в., ад 40 км/г - 8 б.в. За паўторнае на працягу года парушэнне дадзенага характару ў адносінах да вадзіцеляў ужываецца максімальнае адміністрацыйнае спагнанне - пазбаўленне права кіравання транспартнымі сродкамі тэрмінам да 1 года.

Хуткасць - якасць аўтамабіля, якая ляжыць у аснове аўтамабілебудавання, і ў той жа час хуткасць адна з галоўных прычын дарожна-транспартных здарэнняў. Таму выбіраць яе трэба разумна і разважліва, адпаведна пэўным умовам руху. Няправільны выбар хуткасці для дадзеных умоў руху з'яўляецца адной з асноўных прычын дарожна-транспартных здарэнняў, як у горадзе, так і на загарадных дарогах.

Правілы дарожнага руху патрабуюць ад кіроўцы выбіраць хуткасць з улікам інтэнсіўнасці і характару руху транспартных сродкаў і пешаходаў, дарожных умоў, шырыні і стану праезнай часткі, бачнасці ў напрамку руху, атмасферных умоў, рэльефу мясцовасці, бачнасці і агляду, стану свайго транспартнага сродку і характару перавозімага грузу.

Дарожная абстаноўка падчас руху аўтамабіля бесперапынку змяняецца: пасля добра асфальтаванага пакрыцця - участак з вялікай ямачнасцю. У шляху магчымы дождж, які змяняе счапленне шын з дарогай, і г.д. Усё гэта абавязвае кіроўцу выбіраць хуткасць руху, улiчваючы дарожнае становішча.

Аўтамабіль рухаецца ў розных дарожных умовах з пастаянна змяняемай хуткасцю. У гэтых умовах кіроўца павінен правільна выбіраць бяспечную дыстанцыю, каб пазбегнуць сутыкнення ў выпадку тармажэння рухаючагася наперадзе транспартнага сродку, а таксама неабходны інтэрвал, які забяспечвае бяспечны рух.

Неадпаведнасць хуткасці руху дарожнай абстаноўцы выклікае значную колькасць здарэнняў.

Ва ўсіх выпадках хуткасць павінна быць такой, каб пры неабходнасці можна было своечасова запаволіць рух або спыніцца, ужываючы агульнапрынятыя прыёмы кіравання.

Дзяржаўтаінспекцыя заклікае вадзіцеляў да самадысцыпліны, адказнасці і выканання ПДР!

АДАІ Пухавіцкага РАУС