- Найбольш небяспечна знаходжанне на сонцы з 11 да 17 гадзін дня. У гэты час рызыка перагрэву максімальная.
- У гарачы час сутак старайцеся больш знаходзіцца ў цені. Пазбягайце прамых сонечных прамянёў.
- Абавязкова надзеньце галаўны ўбор.
- Піце шмат вадкасці, лепш мінеральнай вады (не менш як 2 літры у дзень).
- Пасля працяглага знаходжання на сонца ўваходзіць у ваду варта паступова, каб цела прызвычаілася да прахалоднай вады.
Сімптомы цеплавога і сонечнага ўдару: пачырваненне, галавакружэнне, галаўны боль, млоснасць, агульная слабасць, млявасць, паслабленне сардэчнай дзейнасці, моцная смага, шум у вушах, дыхавіца, павышэнне тэмпературы цела, у цяжкіх выпадках - страта свядомасці.
Пад уздзеяннем сонечных прамянёў могуць паўстаць апёкі скуры 1-2 ступеняў. Каб пазбегнуць апёкаў выкарыстоўвайце сонцаахоўныя сродкі.
Дапамога пры цеплавым удары:
- Неадкладна змесціце пацярпелага ў цень ці перанясіце яго ў прахалоднае памяшканне.
- Здыміце вопратку з верхняй паловы цела і пакладзеце на спіну, трохі прыпадняўшы галаву.
- Пакладзеце на галаву халодны кампрэс.
- Абгарніце цела мокрай прасцінай або апырскайце прахалоднай вадой.
- Дайце пацярпеламу багатае пітво.
- Пры непрытомным стане паднясіце да носа вату, змочаную нашатырным спіртам.
- Пры неабходнасці, выклічце лекара.
Неабходна памятаць!
1.Купаться можна толькі ў дазволеных месцах – на вадаёмах Міхайлаўскае, Узляны, пляжы г.Мар'іна Горка.
Пры купанні не глытаць ваду з вадаёма, пасля купання – прыняць душ.
На вадаёмах Матчына, Дукора купанне забаронена ў сувязі з тым, што якасць вады не адказвае патрабаванням гігіенічных нарматываў па мікрабіялагічных паказчыках.
