Старт паходу дасць урачысты мітынг 27 студзеня ў музейна-паркавым комплексе Перамога ля памятнага знака ў гонар грамадзян усіх нацыянальнасцяў, якія вызвалялі Беларусь ад нямецка-фашысцкіх захопнікаў. Плануецца, што ў мерапрыемстве прымуць удзел Міністр адукацыі Ігар Карпенка, рэктар БДПУ Аляксандр Жук, настаяцель храма-помніка ў гонар Усіх Святых протаіерэй Фёдар Поўны, першы сакратар ЦК БРСМ Дзмітрый Варанюк, прадстаўнікі пасольстваў Казахстана, Кітая, Расіі, Туркменістана і Узбекістана, кіраўнікі грамадскіх арганізацый.
Удзельнікамі «Зорнага паходу» стануць больш за 270 студэнтаў і выкладчыкаў універсітэта. Яны наведаюць Барысаўскі, Вілейскі, Пухавіцкі, Слуцкі, Салігорскі, Пінскі, Аршанскі, Смаргонскі, Асіповіцкі раёны. Плануюцца сустрэчы з ветэранамі Вялікай Айчыннай вайны, мітынгі і ўскладаннi кветак да брацкай магілы воінаў і мірных жыхароў, загінуўшых у гады вайны, выступленні з канцэртнымі праграмамі ў школах рэгіёнаў. Пройдуць таксама прафарыентацыйныя сустрэчы са старшакласнікамі, майстар-класы і спартыўныя спаборніцтвы.
Студэнты і выкладчыкі далучацца да рэспубліканскай акцыі «У славу агульнай перамогі!» падчас цырымоній забору зямлі з брацкіх магіл воінаў і мірных жыхароў, загінуўшых у гады вайны на тэрыторыі наведваемых раёнаў. Капсулы з зямлёй яны перададуць для памяшчэння іх у крыпту храма-помніка ў гонар Усіх Святых.
Разам са студэнтамі БДПУ, у тым ліку замежнымі з Туркменістана і Кітая, у паход адправяцца студэнты Еўразійскага нацыянальнага ўніверсітэта імя Л. М. Гумілёва (Казахстан), Маскоўскага педагагічнага дзяржаўнага універсітэта, Новасібірскага дзяржаўнага педагагічнага ўніверсітэта, Расійскага дзяржаўнага прафесійна-педагагічнага ўніверсітэта, Ташкенцкага дзяржаўнага педагагічнага універсітэта імя Нізамі.
Крыніца: БЕЛТА
