Напярэдадні Дня Незалежнасці віншаванні прымалі людзі, якім давялося перажыць самую жудасную вайну ХХ стагоддзя: ветэраны, вязні фашысцкіх концлагераў, дзеці вайны, работнікі тылу.
Словы падзякі за подзвігі, за мужнасць, за патрыятызм яны пачулі ад прадстаўнікоў мясцовых улад, грамадскіх арганізацый, прадпрыемстваў і арганізацый раёна. Па традыцыі для ўсіх ветэранаў былі падрыхтаваны падарункі.
У Мар’інай Горцы ветэранаў віншавалі кіраўнікі раёна. Да Зінаіды Антонаўны Заламан прыехала дэлегацыя на чале са старшынёй раённага Савета дэпутатаў Марыяй Клімовіч. Гаспадыня вельмі цепла сустракала гасцей. Тым больш, што яны падрыхтавалі асаблівы падарунак – дэфіле ваеннага аркестра. Як і для Міхаіла Аляксандравіча Мацвійца, які прымаў віншаванні ад старшыні раённага выканаўчага камітэта Віктара Каляда.
Наталля ПАРХОМЧЫК
Фота Станіслава БЕЛАВУСАВА, Паліны БАБУК
