Толькі ў Мінскай вобласці штогод адбываецца каля 70 дарожна-транспартных здарэнняў з удзелам непаўналетніх. Не адзінкавы выпадак, калі ў адным ДТЗ атрымлівалі цялесныя пашкоджанні адразу два-тры дзіцяці, з'яўляючыся пасажырамі. Дарослыя былі побач, але яны не прышпілілі дзяцей утрымліваючымі прыладамі і падверглі іх бессэнсоўнай небяспецы з-за сваёй самаўпэўненасці і перакананні, што з імі непрыемнасцяў на дарозе ніколі не здарыцца.
Аналіз аператыўнай абстаноўкі ў сферы забеспячэння дарожнай бяспекі на тэрыторыі Мінскай вобласці з пачатку б.г. паказвае на шэраг праблемных пытанняў, у прыватнасці – дзіцячага дарожна-транспартнага траўматызму.
За 2 месяцы 2023 года зарэгістравана 7 ДТЗ з удзелам непаўналетніх, у выніку якіх 2 дзяцей загінулі (Смалявіцкі раён) і 8 - траўміраваны. Па віне непаўналетніх ДТЗ не зарэгістравана. Большасць аварый здарыліся з удзелам дзяцей-пасажыраў: у 4 ДТЗ, 2 дзяцей загінулі і 5 – траўміраваны. 3 ДТЗ зарэгістраваны з удзелам дзяцей-пешаходаў, у якіх 3 - атрымалі траўмы рознай ступені цяжкасці.
Пры гэтым на цяжар наступстваў дарожна-транспартных здарэнняў уплывае тая акалічнасць, што шэраг дарослых удзельнікаў дарожнага руху пры перавозцы дзяцей усё ж грэбуюць выкарыстаннем пасіўных сродкаў бяспекі (аўтакрэслаў, бустэраў, спецыяльных падушак), альбо перавозяць малалетніх дзяцей у дзіцячых утрымліваючых прыладах, не прыфастрыгоўваючы іх рамянямі бяспекі.
Вось некаторыя факты:
20.02.2023 каля 18:20 кіроўца, кіруючы аўтамабілем «Мэрсэдэс-Бэнц», рухаўся на 10 км аўтадарогі М-14 «МКАД- 2» (Мінскі раён), не правільна абраў бяспечную хуткасць руху, у выніку чаго не справіўся з кіраваннем транспартнага сродку, дапусціў некіруемы занос, з'ехаў у кювет, дзе перакуліўся. У выніку ДТЗ пацярпеў малалетні пасажыр, з атрыманымі траўмамі шпіталізаваны ў медыцынскую ўстанову.
25.02.2023 каля 18:10 гадзін, кіроўца, кіруючы аўтамабілем «Шкода Рапід», рухаючыся на 63 км аўтадарогі Р-28 «Мінск-Маладзечна-Нарач» (Маладзечанскі раён), не ўлічыў дарожныя ўмовы, не справіўся з кіраваннем, дапусціў некіруемы занос, у выніку чаго выехаў на паласу сустрэчнага руху, дзе здзейсніў сутыкненне з аўтамабілем, рухаўшымся насустрач «Мэрсэдэс-Бенц». У выніку ДТЗ непаўналетні пасажыр з атрыманымі траўмамі шпіталізаваны (не быў прышпілены рамянём бяспекі).
У мэтах прафілактыкі ДТЗ з удзелам дзяцей-пасажыраў, мінімізацыі негатыўных тэндэнцыі ў стане аварыйнасці, у перыяд з 17 па 27 сакавіка 2023 года Дзяржаўтаінспекцыя Мінскай вобласці праводзіць прафілактычнае мерапрыемства «Дзіця - галоўны пасажыр!».
Падчас акцыі вартавыя дарог праводзяць шырокую інфармацыйна-тлумачальную працу ў працоўных калектывах, арганізацыях, аўташколах аб праблеме траўматызму малалетніх пасажыраў, правілах выкарыстання дзіцячых утрымліваючых прылад.
Таксама ў перыяд акцыі супрацоўнікамі Дзяржаўтаінспекцыі сумесна з падраздзяленнямі міліцыі грамадскай бяспекі ва ўзмоцненым рэжыме арганізаваны кантроль па выкананні вадзіцелямі бяспечнай перавозкі непаўналетніх пасажыраў. Парушальнікі будуць прыцягнуты да строгіх мер адміністрацыйнага ўздзеяння ў адпаведнасці з дзеючым заканадаўствам Рэспублікі Беларусь.
ДАІ нагадвае! За парушэнне правілаў перавозкі дзяцей у адпаведнасці з ч.6 арт.18.13 КоАП Рэспублікі Беларусь у адносінах да вадзіцеля накладаецца адміністрацыйнае спагнанне ў выглядзе штрафу ў памеры да 4 БВ.
Паважаныя кіроўцы! Ад сітуацыі, якая раптоўна можа ўзнікнуць, на дарозе не застрахаваны ніхто. Паклапаціцеся пра сваіх маленькіх пасажыраў загадзя!
УДАІ УУС Мінаблвыканкама
