Аналіз аварыйнасці на аўтадарогах Пухавіцкага раёна сведчыць аб тым, што праблема недастатковага ўзроўню дысцыплінаванасці веласіпедыстаў, вадзіцеляў матацыклаў і мапедаў (скутэраў) па-ранейшаму застаецца актуальнай і нярэдка з'яўляецца прычынай або спадарожным фактарам учынення дарожна-транспартных здарэнняў.
З мэтай прафілактыкі ДТЗ з удзелам мотатранспарту, мінімізацыі негатыўных праяў у сферы забеспячэння дарожнай бяспекі, папярэджання фактаў агрэсіўнага ваджэння, зніжэння рызык здзяйснення ДТЗ з удзелам і па віне вадзіцеляў двухколавых транспартных сродкаў c 24 па 26 чэрвеня б.г. на тэрыторыі Пухавіцкага раёна Дзяржаўтаінспекцыя праводзіць прафілактычную акцыю пад дэвізам: «Колаў менш - небяспекі больш!»
У перыяд акцыі арганізаваны сустрэчы з кіраўнікамі мотаклубаў, вадзіцелямі мотатранспарту, дзе вартавыя дарог праводзяць шырокую прафілактычную работу, прыводзячы прыклады аварый і фота з месцаў ДТЗ з удзелам матацыклістаў і растлумачэннем наступстваў і прычын названых здарэнняў.
Дзяржаўтаінспектары сумесна з участковымі інспектарамі міліцыі, інспектарамі па справах непаўналетніх АУС, добраахвотнымі дружыннікамі і карэспандэнтамі СМІ ажыццяўляюць рэйдавыя групы па спыненні грубых парушэнняў ПДР кіроўцамі двухколавых транспартных сродкаў, такіх як – нецвярозы стан, кіраванне транспартнымі сродкамі, не маючы на гэта права, зухаватасць, а таксама выяўленню канструктыўна змененых і незарэгістраваных ва ўстаноўленым парадку матацыклаў і іншых механічных двухколавых транспартных сродкаў. Маршруты патрулявання нарадаў міліцыі набліжаны да месцаў найбольш верагоднага перамяшчэння названай катэгорыі ўдзельнікаў дарожнага руху.
Да ведама вадзіцеляў! Рух на мотатранспарце на адным коле, а таксама, калі кіроўца не трымаецца за руль ці ж не трымае ногі на падножках - цягне накладанне штрафу ў памеры ад 5 да 10 базавых велічынь з пазбаўленнем права кіравання ТС тэрмінам да 6 месяцаў ці без пазбаўлення.
Таксама, дзеянні кіроўцы, якія вымусілі іншых удзельнікаў дарожнага руху змяняць хуткасць, кірунак ці прымаць іншыя меры па забеспячэнні бяспекі руху пагражае накладаннем штрафу ад 5 да 20 базавых велічынь з пазбаўленнем кіравання ТС да 2-х гадоў або без такога пазбаўлення.
Дзяржаўтаінспекцыя нагадвае!
Артыкул 18.15. Кіраванне транспартным сродкам асобай, якая знаходзіцца ў стане ап'янення, перадача кіравання транспартным сродкам такой асобе або адмова ад праходжання праверкі (агляду)
Кіраванне транспартным сродкам асобай, якая знаходзіцца ў стане алкагольнага ап'янення, пры наяўнасці абсалютнага этылавага спірту ў крыві ці выдыхаемым паветры ў канцэнтрацыі да 0,8 праміле ўключна або наяўнасці пароў абсалютнага этылавага спірту ў канцэнтрацыі да 380 мікраграмаў на адзін літр выдыхаемага паветра ўключна -
цягне накладанне штрафу ў памеры ста базавых велічынь з пазбаўленнем права займацца пэўнай дзейнасцю тэрмінам на тры гады.
Кіраванне транспартным сродкам асобай, якая знаходзіцца ў стане алкагольнага ап'янення пры наяўнасці абсалютнага этылавага спірту ў крыві або выдыхаемым паветры ў канцэнтрацыі звыш 0,8 праміле або наяўнасці пароў абсалютнага этылавага спірту ў канцэнтрацыі звыш 380 мікраграмаў на адзін літр выдыхаемага паветра або ў стане, выкліканым спажываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, а таксама адмова ад праходжання ва ўстаноўленым парадку праверкі (агляду) на прадмет вызначэння стану алкагольнага ап'янення або стану, выкліканага спажываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, -
накладае штраф у памеры двухсот базавых велічынь з пазбаўленнем права займацца пэўнай дзейнасцю тэрмінам на пяць гадоў.
Перадача кіравання транспартным сродкам асобе, якая знаходзіцца ў стане алкагольнага ап'янення або стане, выкліканым спажываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, -
цягне накладанне штрафу ў памеры ад пяцідзесяці да ста базавых велічынь з пазбаўленнем права займацца пэўнай дзейнасцю тэрмінам на тры гады.
Ужыванне вадзіцелем алкагольных, слабаалкагольных напояў або піва, наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў пасля падачы супрацоўнікам органаў унутраных спраў сігналу аб спыненні транспартнага сродку або пасля ўчынення дарожна-транспартнага здарэння, удзельнікам якога ён з'яўляецца, да праходжання праверкі (агляду) на прадмет вызначэння стану алкагольнага ап'янення або стану, выкліканага спажываннем наркатычных сродкаў, псіхатропных рэчываў, іх аналагаў, таксічных або іншых адурманьваючых рэчываў, -
цягне накладанне штрафу ў памеры двухсот базавых велічынь з пазбаўленнем права займацца пэўнай дзейнасцю тэрмінам на пяць гадоў.
Артыкул 18.14. Кіраванне транспартным сродкам асобай, якая не мае права кіравання гэтым сродкам, а таксама перадача кіравання транспартным сродкам асобе, якая не мае права кіравання, прадугледжаны штраф у памеры ад 5 да 20 БВ. Тыя ж дзеянні, учыненыя паўторна на працягу года прыводзяць да накладання штрафу ад 20 да 50 БВ (арт.18.19 КоАП Рэспублікі Беларусь).
Частка 1 Артыкул 18.20 Парушэнне правілаў дарожнага руху асобай, якая кіруе веласiпедам.
цягне папярэджанне або накладанне штрафу ў памеры ад 1 да 3БВ.
Каб пазбегнуць дарожна-транспартных здарэнняў аддзел ДАІ Пухавіцкага раёна настойліва рэкамендуе вадзіцелям механічных двухколавых транспартных сродкаў выконваць Правілы дарожнага руху і быць вельмі ўважлівымі на дарозе!
Таксама, ДАІ звяртаецца да грамадзян і просіць спыняць спробы кіравання матацыкламі, мапедамі, скутэрамі людзьмі без права кіравання, у стане ап'янення, калі не ўдаецца гэта зрабіць самастойна – тэлефануйце і паведамляйце на тэлефонную лінію 102!
24.06.2022
АДАІ Пухавіцкага раёна
