У мэтах папярэджання ДТЗ з удзелам мотатранспарту і спынення супрацьпраўных дзеянняў з боку вадзіцеляў двухколавых механічных транспартных сродкаў, Дзяржаўтаінспекцыя Мінскай вобласці з 25 сакавіка па 3 красавіка б.г. праводзіць рэспубліканскую прафілактычную акцыю па папярэджанні дарожна- транспартных здарэнняў з удзелам мотатранспарту. У ходзе прафілактычных рэйдаў вартавымі дарог ажыццяўляецца кантроль за дарожным рухам шляхам галоснага, негалоснага і змешанага кантролю. Пры спрыяльных умовах надвор'я дадаткова будзе арганізавана нясенне службы нарадамі ДПС ДАІ ў складзе мотапатрулёў. У полi зроку праваахоўнікаў - матацыклісты, якія кіруюць у стане ап'янення, не маюць права кіравання дадзеным відам транспарту, парушаюць хуткасны рэжым, правілы абгону і манеўравання, а таксама вадзіцелі двухколавага транспарту, сабранага саматужным спосабам або з канструктыўнымі зменамі.
Таксама ў названы перыяд арганізаваны прафілактычныя гутаркі ў працоўных калектывах, арганізацыях на прадмет атрымання вадзіцельскага пасведчання адпаведнай катэгорыі, рэгістрацыі мотатранспарту, асноў правільнага бяспечнага ваджэння і адказнасці ў выпадку парушэнняў ПДР вадзіцелямі двухколавых механічных транспартных сродкаў.
Асноўныя фактары, якія ўплываюць на цяжар наступстваў - адсутнасць навыкаў у кіроўцаў мотатранспарту, парушэнне правілаў манеўравання, ліхацтва і перавышэнне хуткасці.
З пачатку бягучага года на тэрыторыі Мінскай вобласці з удзелам вадзіцеляў двухколавых транспартных сродкаў адбылося 2 ДТЗ, у выніку якіх 2 чалавекі атрымалі траўмы, адзін з якіх кіраваў матацыклам без шлема.
Паважаныя грамадзяне! У выпадку здзяйснення кіроўцамі мотатранспарту супрацьпраўных дзеянняў, у т.л. якія былі зафіксаваны аўтамабільнымі відэарэгістратарамі, просім неадкладна паведамляць на тэлефонную лінію 102!
Каб пазбегнуць дарожных здарэнняў ДАІ Пухавіцкага раёна настойліва рэкамендуе вадзіцелям механічных двухколавых транспартных сродкаў выконваць Правілы дарожнага руху, быць дысцыплінаванымі і ўзаемнаветлівымі на дарозе!
АДАІ Пухавіцкага РАУС
