За 11 месяцаў бягучага года на тэрыторыі Пухавіцкага раёна Мінскай вобласці зарэгістраваны 33 уліковыя дарожна-транспартныя здарэнні, у якіх загінула 12 грамадзян, атрымала раненні 28 грамадзян, па віне нецвярозых вадзіцеляў учынена 4 ДТЗ.

У мэтах прапаганды захавання ПДР усімі ўдзельнікамі дарожнага руху, 31 снежня 2021 года Дзяржаўтаінспекцыя Пухавіцкага раёна праводзіць Адзіны Дзень бяспекі дарожнага руху пад дэвізам: «Дарога памылак не даруе!».

Упраўленне транспартам у стане алкагольнага ап'янення адно з самых сур'ёзных парушэнняў Правілаў дарожнага руху. Статыстыка сведчыць, што 5-10% ДТЗ, якія ўчыняюцца па віне вадзіцеляў, звязана менавіта з гэтым правапарушэннем.

Супрацоўнікі дарожна-патрульнай службы будуць ажыццяўляць нагляд за дарожным рухам ва ўзмоцненым рэжыме з мэтай спынення фактаў кіравання транспартнымі сродкамі ў стане ап'янення. Нясенне службы нарадамі міліцыі набліжана да месцаў размяшчэння аб'ектаў гандлю спіртнымі напоямі і забаўляльных устаноў (кафэ, дыскатэкі, сельскія клубы), масавага адпачынку, АЗС, асабліва ў вячэрні і начны час.

Нагадваем кіроўцам!

Дзейнiчаючым заканадаўствам за кіраванне транспартным сродкам у стане алкагольнага ап'янення, або перадачу права кіравання нецвярозаму, а таксама адмову ад праходжання агляду прадугледжваецца пакаранне ў выглядзе пазбаўлення права кіравання ўсімі відамі транспартных сродкаў тэрмінам на 5 гадоў і штрафам 200 базавых велічынь.

За паўторнае кіраванне ў стане алкагольнага ап'янення на працягу года правапарушальнік прыцягваецца да крымінальнай адказнасці, пры гэтым прадугледжана спецыяльная канфіскацыя транспартнага сродку, якім кіравалі ў стане ап'янення, незалежна ад права ўласнасці.

ДАІ папярэджвае вадзіцеляў аб немінучым пакаранні за кіраванне транспартным сродкам у нецвярозым стане, і варта лішні раз аб гэтым задумацца!

Паважаныя грамадзяне! Калі вы бачыце ці ведаеце, што транспартным сродкам кіруе вадзіцель у стане алкагольнага ап'янення, паведаміце ў дзяжурную частку ДАІ па тэлефоне 102 (званок бясплатны). Ваша інфармацыя СПЫНІЦЬ БЯДУ!

Таксама па-ранейшаму застаецца высокай удзельная вага аўтааварый з удзелам пешаходаў. Асноўнай з прычын дарожна-транспартных здарэнняў з гэтай катэгорыяй з'яўляецца ігнараванне самімі пешаходамі Правілаў дарожнага руху, а таксама адсутнасць у цёмны час сутак святловяртальных элементаў на адзенні пешых удзельнікаў.

Многія пешаходы не хочуць разумець, што кіроўца не ў сілах імгненна спыніць свой аўтамабіль, каб пазбегнуць наезду. У цёмны час сутак пешаходы становяцца найболей уразлівымі. Кіроўцам варта быць лімітава засяроджанымі пры праездзе па слаба асветленых ці неасветленых участках дарог зблізку населеных пунктаў. Менавіта там найбольш высокая верагоднасць з'яўлення на праезнай частцы пешаходаў. Кіроўца павінен быць гатовы да любых нечаканасцяў з боку пешаходаў – хаджэнне па дарогах у стане алкагольнага ап'янення, пераход праезнай часткі ў неўстаноўленым месцы, непадпарадкаванне сігналам рэгулявання дарожнага руху.

Нажаль, падобныя факты здарэнняў вельмі частыя. Дарога не даруе безадказных паводзінаў на ёй, асабліва ў стане алкагольнага ап'янення. Небяспечныя дзеянні пешахода на дарозе і паблізу ад яе нікога не павінны пакінуць абыякавым.

Таму, шаноўныя ўдзельнікі дарожнага руху! Калі вы бачыце паблізу праезнай часткі пешахода, які знаходзіцца ў стане алкагольнага ап'янення, відавочна ўяўляючага небяспеку для руху, просім вас неадкладна паведаміць на тэлефонную лінію 102.

Што да адказнасці пешаходаў згодна з Кодэксам аб адміністрацыйных правапарушэннях Рэспублікі Беларусь, то яна такая:

- у дачыненні да пешахода, які ў цёмны час сутак рухаецца па праезнай частцы, не пазначыўшы сябе флікерам, прымяняюцца штрафныя санкцыі ў памеры ад 1 да 3 базавых велічынь або папярэджанне. Калі парушэнне ім Правілаў дарожнага руху прывяло да стварэння аварыйнай сітуацыі, то памер штрафу складае ад 3 да 8 базавых велічынь. На суму ад 3 да 5 базавых велічыняў штрафуецца пешаход, калі ён знаходзіцца на дарозе ў стане алкагольнага ап'янення. У выпадку, калі парушэнне Правілаў дарожнага руху пацягнула прычыненне пацярпеламу лёгкага цялеснага пашкоджання, або пашкоджання транспартнага сродку, грузу, дарожнага пакрыцця, дарожных і іншых збудаванняў або іншай маёмасці, вінаваты штрафуецца ад 5 да 20 базавых велічынь.

Да ўвагі! «…Згодна з п.148 ПДР - рух на роварах павіннен ажыццяўляцца па абочыне, а ў выпадку яе адсутнасці не далей 1 метра ад правага краю праезнай часткі дарогі. Акрамя таго, веласіпедыстам забараняецца рухацца па дарозе ва ўмовах снегападу і (або) галалёдзіцы п. 153.4 ПДР...»

Пазбегнуць аварый вельмі складана, але, прадухіліць, магчыма, калі ўдзельнікі дарожнага руху будуць праяўляць адзін да аднаго павышаную ўвагу і павагу. А гэта ж і ёсць складнік выканання Правілаў, які, перш за ўсё, падкрэслівае культуру кожнага з нас!

АДАІ Пухавіцкага РАУС