Экіпажы ДАІ будуць адпрацоўваць найбольш аварыйна-небяспечныя ўчасткі.
У Мінскай вобласці пачасціліся выпадкі, калі ў ДТЗ траўмы атрымліваюць удзельнікі дарожнага руху. Таму Дзяржаўтаінспекцыя з 01 кастрычніка па 03 кастрычніка 2021 будзе праводзіць на тэрыторыі Пухавіцкага раёна масіраваную адпрацоўку дарог мясцовага значэння. Гэтыя мерапрыемствы будуць накіраваны на прафілактыку і папярэджанне дарожна-транспартных здарэнняў.
Падчас нясення службы супрацоўнікі будуць выкарыстоўваць галосны, негалосны і змешаны кантроль за тым, як удзельнікі руху выконваюць патрабаванні ПДР. Асаблівая ўвага будзе надавацца грубым парушэнням - кіроўцам якія не маюць права на кіраванне транспартнымі сродкамі, перавышэнню хуткасці, выездам на сустрэчную паласу, невыкананню правілаў абгону, праезду пешаходных пераходаў і скрыжаванняў, а таксама выкарыстанне святлоадбівальных элементаў пешаходамі. Асаблівую ўвагу будуць надаваць фізічнаму стану вадзіцеляў, пешаходаў.
Дзяржаўтаінспекцыя заклікае ўсіх удзельнікаў руху да няўхільнага выканання патрабаванняў Правілаў дарожнага руху.
АДАІ ПУХАВІЦКАГА РАУС
