Запамінальнай для першакурснікаў стала сустрэча з пісьменнікам-земляком, краязнаўцам, журналістам, дырэктарам выдавецкага дома “Звязда” Алесем Карлюкевічам.

Алесь Мікалаевіч добра адчувае чытацкую аўдыторыю. Ён умела заваёўвае ўвагу навучэнцаў. У Тыдзень бацькоўскай любові пісьменнік ахвотна падзяліўся ўласнымі знаходкамі пра вобраз Маці ў творчасці беларускіх пісьменнікаў. Гэта быў кранальны аповед пра самага дарагога для кожнага з нас чалавека. А асаблівую цікавасць навучэнцаў выклікала гісторыя пра з’яўленне героя дзіцячых кніг Шубуршуна, які быў прыдуманы спецыяльна для дачкі Алеся Мікалаевіча.

Навуэнцы прынялі настрой дарослых: і выкладчыцы, якая арганізавала гэтую сустрэчу, і госця, які шмат гадоў прыязджае ў каледж. Яны не толькі з захапленнем слухалі Алеся Карлюкевіча, а і задавалі цікавыя пытанні, набывалі кнігі, удзельнічалі ў аўтограф- і фотасесіях.

Алена Свірыдава, выкладчык Мар’інагорскага дзяржаўнага АТК

Источник:https://gorka.by/tydzen-backo%D1%9Eskaj-lyubovi-praxodzic-u-marinagorskim-kaledzhy/