Сёння ДУА “Пухавіцкі раённы сацыяльна-педагагічны цэнтр” аддзялення дзіцячага сацыяльнага прытулку ў аграгарадку Дубраўка наведалі пракурор Пухавіцкага раёна Дзмітрый Лугін, намеснік старшыні Мінскай абласной арганізацыі Прафсаюза Белэнергатапгаз Андрэй Кучарчук і памочнік старшыні суда Пухавіцкага раёна Орыся Ганжына і супрацоўнікі цэнтра творчасці дзяцей і моладзі “Світанак”.
Зараз у гэтым прытулку знаходзіцца 7 дзяцей. І канешне, у гэтыя пераднавагоднія дні дзеці чакаюць цудаў. І з непрыхаванай радасцю і шчасцем яны чакалі гасцей, якія падрыхтавалі для іх прадстаўленне “Ёлка чароўных жаданняў”. Госці ўручылі дзецям падарункі і пажадалі шчаслівага Новага года.
Анастасія ПЛЯТНЁВА.