Сваё свята сельскія працаўнікі нашага раёна сустракаюць з добрым настроем. Сёлета каравай атрымаўся асабліва важкім. Намалочана больш за 100 тысяч тон зерня. І гэта вынік шчырай працы калектываў усіх гаспадарак раёна.
Напярэдадні свята з працоўнымі дасягненнямі вяскоўцамі павіншавалі старшыня райвыканкома Андрэй Атрушкевіч і начальнік упраўлення па сельскай гаспадарцы і харчаванні Аляксандр Маеўскі. Яны ўручылі дыпломы па выніках спаборніцтва на розных відах работ: на вясенне-палявых работах, на нарыхтоўцы травяных кармоў, на ўборцы ўраджаю збожжавых і зернебабовых культур, у развіцці земляробства і жывёлагадоўлі. Яны наведалі калектывы СУП “Дукора-Агра”, ААТ “Голацк”, “Зазерка”, “Агра-Абярэг”, ЭБ “Зазер’е”.
Віншуючы перадавікоў сельгасвытворчасці Андрэй Атрушкевіч і Аляксандр Маеўскі выказалі словы ўдзячнасці людзям за сумленную працу, за вернасць хлебаробскай справы. Падзякавалі жывёлаводаў за высокія паказчыкі ў атрыманні малака і мяса. Адзначылі, што ўсе яны сваёй добрасумленнай працай забяспечваюць эканамічную стабільнасць у гаспадарках, дабрабыт у сем’ях і харчовую бяспеку краіны.
Анастасія ПЛЯТНЁВА.
