На наступны дзень пасля Вялікадня ў Пухавіцкі дом-інтэрнат для састарэлых і інвалідаў прыехалі старшыня раённага выканаўчага камітэта Віктар Каляда, старшыня раённага Савета дэпутатаў Марыя Клімовіч і благачынны цэркваў першага Пухавіцкага благачыння протаіерэй Аляксандр Цалкоў. Яны ўручылі пражываючым у доме-інтэрнаце велікодныя кулічы.
— Такім чынам у гэтыя светлыя дні мы нагадваем людзям, якія трапілі ў складаную жыццёвую сітуацыю, што яны не забытыя, — адзначыў Віктар Міхайлавіч.
— Для нашых падапечных велікодны куліч больш, чым проста выпечка: гэта знак увагі, клопату, дабрыні, — падкрэсліў дырэктар дома-інтэрната Уладзімір Рымашэўскі.
Пражываючыя ў доме-інтэрнаце людзі і абслугоўваючы персанал з радасцю сустрэлі гасцей і выказалі шчырую падзяку за сказаныя ў іх адрас цёплыя словы і добрыя пажаданні.
Андрэй ГЕОРГІЕЎ.