У раёне пачынаецца сезон восеньскіх кірмашоў. Стартуе ён 19 верасня і працягнецца да 31 кастрычніка.
У Мар’інай Горцы гандлёвыя рады размесцяцца на пляцоўцы таварыства з абмежаванай адказнасцю “Цэнтр падрыхтоўкі “Аўгур”. Згодна зацверджанага графіка, гандаль будзе арганізаваны кожную суботу з 19 верасня па 31 кастрычніка.
Таксама вызначаны графік правядзення кірмашоў у населеных пунктах гарадскога тыпу. Так, у пасёлку Дружны яны будуць арганізаваны 26 верасня, 10, 24 і 31 кастрычніка на тэрыторыі рынка. У гарадскім пасёлку Свіслач кірмашы адбудуцца 19 верасня, 3 і 17 кастрычніка на плошчы па вуліцы Партызанскай. У Рудзенску гандаль будзе арганізаваны 3 кастрычніка ў скверы па вуліцы Савецкай, у Праўдзінскім — 10 кастрычніка на пляцоўцы ў цэнтры пасёлка.
Пачатак работы ўсіх кірмашоў — 9.00.
Наталля ПАРХОМЧЫК.
